^

'Cong. Raul Gonzalez Jr.'

CALVENTO FILES - Tony Calvento () - March 30, 2007 - 12:00am
NAKAUSAP ko si Congressman Raul T. Gonzalez, Jr, ang kinatawan sa Lone District ng Iloilo City sa isang one on one interview. Siya ang panganay na anak ng ating butihing kalihim ng Department of Justice na si Raul M. Gonzalez at Dra. Pacita Trinidad.

Nagtapos ng AB Political Science and Bachelor of Laws sa University of Santo Tomas. Miyembro ng Intregrated Bar of the Philippines at dating Professor sa Don Bosco College kung saan ang itinuturo nito ay Political Science, Government at Constitution. Naging Chief of Staff din siya ng Tanodbayan mula 1986 hanggang 1988. Si Jun Gonzalez din ay naging Legislative Secretary noong panahong nasa kongreso ang kanyang ina na si Dra. Pacita at ama niyang na noon ay Deputy Speaker sa kongreso, si Secretary Raul Gonzalez. Sa kasalukuyan, siya ay miyembro sa kongreso ng Committee on Rules, Appropriation, Justice, Local Governments, Foreign Affairs, National Defense, Basic Education, Public Order & Security, Good Government at Governmental Reorganization.

Noong bago pa lamang si Congressman Jun Gonzalez sa kanyang tungkulin ay nangako siya sa kanyang mga kababayang nasasakupan na ipagpapatuloy niya ang nasimulan ng kanyang ama noong ito ay nasa kongreso pa.

"I gave my constituents livelihood projects. Dahil para sa akin dapat ituro "how to fish" kesa ang "giving them the fish." Mas mabuting turuan ang mga Ilonggo ng pagpapalago sa mga negosyo kesa ang magpamudmod ng kung anu-anong mga bagay. Nais kong tulungan ang aking mga nasasakupan na huwag na lang basta umasa at magkaroon ng maayos na buhay. Kailangan sila mismo ang magbanat ng buto at paghirapan ito," paliwanag ni Congressman Gonzalez.

Ang tanggapan ni Congressman Gonzalez ay bukas para sa kanyang mga kababayan sa oras ng pangangailangan. Tulad na lamang ng serbisyo para sa mga out-patients kung saan nagbibigay sila ng libreng medical laboratory tests. Sa pang-academic naman meron din siyang scholarship program. Nagbibigay din ang tanggapan niya ng mga libreng gamot para sa mahihirap. Meron silang halos 40 regular scholar kung saan tumatanggap ang mga ito ng 9,000 kada semester. Pili lamang ang mga mag-aaral na nabibigyan nito at hindi naman kinakailangan na matalino lamang ang magkakaroon ng pagkakataon kundi ang pagiging pursigido ng isang estudyante na makapag-aral ay nabibigyan ng libreng edukasyon.

"Mahigit sa 30 na ang naipasa kong panukalang batas. "An Act Creating a National Book Development Trust Fund to Support Filipino Authorship" ito ay naaprubahan ng House nuong 2006-02-21," ayon kay Congressman Gonzalez.

Ang ilan sa mga naisulat niya ay ang "An Act Imposing a Stiffer Penalty for the Crime of Illegal Use of Uniforms or Insignia Amending for the Purpose Article 179 of the Revised Penal Code," An Act Granting Mandatory Good Conduct Allowance to Prisoners who Participated in Literacy, Skills, and Values Development Programs in Penal Constitutions," An Act Establishing the Iloilo Free Port, Providing Funds Therefor and for Other Purposes," "An Act Mandating the Use of Bioethanol or Ethyl Alcohol as Transport Fuel Establishing for the Purpose the National Bioethanol Fuel Program, Appropriating Funds therefore, and for other Purposes," "An Act Prohibiting the Imposition of the Death Penalty in the Philippines. Ilan lamang ‘yan sa mga batas na nais niyang mapag-ukulan ng pansin.

Tinanong ko naman siya tungkol sa DEATH PENALTY.

"Noon pa man ay hindi na ako pabor sa Death Penalty. Isa na ako sa mga bumotong i-abolish ang Death Penalty, Nung bago pa lamang akong upo bilang Congressman pinangako ko na kontra ako sa Death Penalty. "death penalty does not deter crime and what effectively deters the criminal is the perceived certainty of being caught..." para kay Congressman Gonzalez.

Ayon kay Congressman Gonzalez, naniniwala pa rin siya na mahalaga ang buhay ng isang tao at hayaan natin na ang ating Panginoon ay magpataw ng nararapat na parusa sa mga taong nagkasala katulad ng sinabi niyang "VENGEANCE IS MINE." Walang batas na perpekto, habang ang kamatayan ay permanente, walang paraan para ibalik ang buhay ng isang inosenteng tao.

Marami ang naghangad na makapagsilbi sa bayan kaya nagpapasalamat siya sa kanyang mga kababayan sa Iloilo sa oportunidad na maipakita ang kanyang kakayahan sa mga ito. Kung patuloy pa rin siya susuportahan ng kanyang mga kababayan ay maipagpapatuloy niya ang kanyang mga adhikain.

Kung sakali mabigat ang makakatapat ni Congressman Gonzalez. Umugong kasi ang balita na si Former Senate President Franklin Drilon. Subalit gaya ng kanyang ama, matapang niyang sinagot na "my record in Iloilo City will speak for itself."

Para sa mga biktima ng karahasan, pang-aabuso o anulmang krimen o legal problems maaari kayong tumawag sa 6387285 o di kaya’y sa 6373965-70. Maaari din kayong magtext sa 09213263166. Ang aming tanggapan ay sa 5th Floor City State Center Bldg., Shaw Blvd., Pasig.t

E-mail address: tocal13@yahoo.com

CONGRESSMAN CONGRESSMAN GONZALEZ DEATH PENALTY GONZALEZ ILOILO CITY KANYANG
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with