BI chief sa publiko: Illegal aliens, isumbong
MANILA, Philippines — Hinikayat ni Bureau of Immigration (BI) Commissioner Norman Tansingco ang publiko na huwag mag-atubiling isumbong sa kanilang tanggapan kung may nalalaman silang illegal aliens sa kanilang lugar.
Ginawa ni Tansingco ang panawagan sa Mindanao leg ng kanilang ‘Bagong Immigration’ caravan sa Iloilo City kung saan ilang indibidwal ang nagsumbong hinggil sa mga dayuhang illegal na nananatili sa kanilang lugar.
“We are serious in our drive against illegal aliens, hence we bring our people closer to the communities to get on the ground information about foreigners who are not complying with immigration laws,” ayon kay Tansingco.
Sinabi ni Tansingco na tumatanggap sila ng mga ulat hinggil sa mga illegal aliens at foreign sexual predators na maaaring nagtatago sa mga malalayong lalawigan sa bansa.
“As part of our #ShieldKids Campaign, we have intelligence personnel joining our caravan to receive information from community members regarding foreign sexual predators and sex tourists that might be plaguing their area,” anang BI chief.
Nabatid na ang ikalawang bahagi ng service caravan ng BI ay idinaos kamakalawa sa Seda Hotel sa Iloilo.
Sa ilalim ng caravan, nag-aalok ang BI ng mas pinabilis na pagproseso ng mga transaksiyon sa BI, kabilang na ang tourist visa extensions, exit clearances, dual citizenship applications, at iba pang essential clearances.
- Latest
