Tricycle operator itinumba

MANILA, Philippines - Patay ang isang 43-anyos na  tricycle operator makaraang tambangan ng hindi pa kilalang mga suspect, habang iginagarahe ang kanyang tricycle sa tabi ng kanyang bahay sa Port Area, Maynila, kamakalawa ng gabi.

Dead-on-the-spot dahil sa tinamong tama ng baril sa mukha at katawan ang biktimang si Joseph Pasagoy, tubong Pangasinan at naninirahan sa Blk. 15-A, Baseco Compound, Port Area.

Batay sa pahayag ng live-in partner ng biktima na si Brendalyn Ibanez, 53, nakita pa niya ang dalawang lalaki na mabilis na nagtatakbo nang labasin niya ang mister­ na nakahandusay na at duguan.

Sa ulat ni PO3 Lester Evangelista ng MPD-Homi­cide Section, dakong alas- 10:25 ng gabi nang maganap ang nasabing krimen sa main road ng Blk. 15-A sa Baseco Compound, sa gilid ng Pre­sident Corazon Aquino Health Center.

Nabatid na igina­garahe na umano ng biktima ang kanyang tricycle habang nakababa na ang live-in partner nito at pumasok ng ka­nilang bahay nang makarinig ang huli ng putok.

Nang muling lumabas si Brendalyn ay doon natuklasan ang naganap na krimen.

Patuloy pang inaalam ang motibo at pagkilanlan ng mga suspect.