Lalaki itinumba sa underpass
MANILA, Philippines - Dead-on-the-spot ang isang 40-anyos na lalaki na pinaÂniniwalaang mandurukot nang bistayin ng bala ng hindi pa kilalang suspect sa underpass sa tapat ng Manila City Hall (MCH) sa Ermita, Maynila, kahapon ng umaga.
Kinilala ni PO3 Lester Evangelista ang biktimang si Juanito Delfin, tubong-Pangasinan, residente ng Gate 13, Area-B, Parola compound, Tondo, Maynila sanhi ng tinamong mga bala mula sa kalibre .45 pistola.
Dakong alas-7:20 ng umaga nang barilin ng ilang beses habang nakatalikod at naglalakad umano sa Lagusnilad sa tapat ng MCH ang biktima na nakasuot pa umano ng bagong rubber shoes, naka-maong na pantalon at puting polo.
Nang imbestigahan ni SPO1 Rommel del Rosario ang lumutang na si Lanie Abad, live-in partner ng biktima, inamin nito na minsan ay nandurukot ang kanyang mister at wala siyang alam na trabaho ito.
Nakakuha pa sa crime scene ng dalawang empty shells ng kalibre .45 baril.
Hinihinala ring may dalawang kasamahan ang biktima na nagsitakbuhan nang makitang bumulagta ito. (Ludy Bermudo with trainees Piney de Leon at Jamille Obeena)
- Latest
