Sa naganap na malaking sunog: Navotas nagpasaklolo kay P-Noy

MANILA, Philippines - Magpapasaklolo si Navo­tas City Mayor John Rey Tiangco kay President Be­nigno “Noynoy” Aquino, III upang mabigyan ng relokas­yon ang mga naging biktima ng sunog noong Biyernes ng gabi sa lungsod.

Sa talaang nakuha sa Pub­lic Information Office ng Navotas City, umaabot sa 1,500 pamilya at 7,157 indi­bidwal ang naapektuhan ng naganap na sunog sa Davila St., Navotas West.

Sa kasalukuyan ay nahihi­rapan ang lokal na pamaha­laan sa paghahanap ng lugar kung saan dadalhin ang mga nasunugan kaya’t sinabi ni Tiangco na ilalapit nila ang kanilang problema kay P-Noy.

Umaasa ang alkalde na hindi sila tatanggihan ng palasyo dahil karamihan sa mga nasunugan ay walang naisalba sa kanilang mga gamit at sa ngayon ay uma­asa lamang ang mga ito sa donasyon na kanilang naku­kuha mula sa nagbibigay ng tulong.