Rookie cop timbog sa kotong

Isang bagitong pulis ang inaresto ng National Capital Region Police Office (NCRPO) sa isinagawang entrapment operation kamakailan sa Pasig City.

Si PO1 Darwin Boiser, 25, ng SPD ay kasalukuyang nasa kustodya ng Pasig City police habang inihahanda ang kasong robbery extortion at administrative case laban dito. Ito ang ika-19 na ‘kotong cops’ na nadakip kaugnay ng isinasagawang paglilinis ng NCRPO sa hanay ng pulisya.

Base sa ulat, noong nakaraang Sabado nang maaktuhan si Boiser na tinatanggap ang halagang P4,500 mula sa driver na si Marius Makilan sa may San Guillermo St., Barangay Buting, Pasig City.

Napag-alaman na humingi ng pera ang pulis sa driver dahil sa ninakaw umano ng pamangkin ng huli ang bracelet ng suspect. (Ulat nina Doris Franche at Edwin Balasa)