Manok sa engkanto
Gisugo ko ni nanay pagpapugas sa mga mais didto sa among uma nga medyo bungtod. Sa nipahuway nako sa dakong punoan nga kahoy gibati'g kaluya ang akong mga mata.
Apan kalit kong nahipugwat kay may nipatong nga piso sa manok diri dapit sa akong ulohan. Nibangon ko ug akong gikuha ang maong piso nga nagkurog sa kabasa.
"Nay, ania koy dalang piso, Nay, " nako pa nga nagguroy pa intawon sa kabaw.
"Diin man intawon na nimo?" sukot ni Nanay Sita nako.
Unya nidako na ang manok maila na ang balhibo nga abohon. Unya kay dili man gayud kalikayan matag adlaw sa minatay aduna gyo'y kalingawan sa bukid nga tigbakay.
Wa namo palabya ni nanay, among gitari si abohon.
"Ikaw unya'y taod sa tari Mon, maayo kay buynason ka! Taud-taud nibanos ang kahilom.
Dayon may nisinggit: kana-kana! Wa nay vitamins," ni Anton nga ni buhakhak og kinatawa nga nagpaypay sa kwarta.
"Sunod andama ang abohon ug ang buwanting!" ni Gaspar, ang kuyme nga guwapo.
"Nay, pilay imo?" sukna ko ni Nanay.
"Usa ka libo lang Dong, halin ra ba intawon ni sa tabaco", ni Nanay dayong kuot sa bulsa..
"Kana, bali-baliii! Na?" siyagit ni Tisoy nga among kontra.
Gikulbaan ko kay naliso ang tari, na kulob kini, nalup-og ang akong manok ug wa nay dag-anan kahilakon intawon si Nanay. Sa kalit lang nabali ang hangin.
"Haaa...ha-ha-ha!" katawa sa mga tawo nga nakaposta sa akong manok.
Kay kalit man lang nidagan ang kontra unya nikakak. Ug nakita ko si Nanay nga nihubo sa iyang sayal dayong sayaw-sayaw sa kalipay?
Human adto kalit lang ming na kwartahan. Si Nanay, buntag na mauli gikan sa casino, ako sab tanang bisyo gisudlan. Usa ka adlaw niana gihulman si abohon sa among mayor, pero nasubo ko kay patay na si abohon.
Mao na lay akong nahibaloan nga gisigihan og rebansin si abohon hangtud namatay. Akong gibitay si abohon sa nangka pero pagkabuntag kalit nabuhi si abohon. (Kataposan)
- Latest