Gi-batobalani ang kasingkasing

Dear Tita Salie,

Hello! Have a nice day. Bisan kun maguwang kaayo ko nimo sa pangedaron mag-Tita lang gihapon ko nimo tungod kay mao man kini ang ilang tawag nimo.

Tagoa lang ko og Old Carabao Eat Young grass, 60 years of age.

Usa ka higayon niana, Tita Salie, mibisita kanako ang akong maguwang babaye sa akong panimalay ug kauban niya ang iyang mga apo.

Kining iyang usa ka apo, nga apo usab nako kay igsoon man mi adto mag-charge og celfon sa akong room. Apan dihang una nakong kakita niya mora man og gi-batobalani ang akong kasingkasing ngadto sa bata. 15 anyos pa siya, Tita Salie.

Mingawon ko niya kondili siya mag-charge og celfon sa akong kuwarto. Gusto ko nga dunay mahitabo namo apan apo ra nako siya. Unsaon man ni nako? Usahay ra ba makahunahuna ko nga maghikog na lang. Palihog pasabta ko, Tita Salie. Salamat and more power.

* * *

Good day,

Imo segurong gihatagan og laing meaning ang pagsige’g sulod sa imong room sa imong apo. Imong  gibutangan og malisya ang iyang pagtahod kanimo, nga unta giila ra man ka niya nga apohan o lolo.

Palihog intawon ayaw na pangandoya nga dunay mahitabo kaninyong duha tungod kay apo ra man god nimo siya. Ug kun gusto ka nga malinawon ang inyong pamilya ayaw na paghunahuna og daotan ngadto sa bata.

Nasayod ko nga sa panahon nga mahitabo ang anaa sa imong hunahuna mao na gyod kana ang sinugdanan nga magubot mo. Mag-away mo sa imong igsuon ug maguba ang imong pagkatawo nga dugay na nimong giampingan. -- Tita Salie