Idlas ang katumanan sa gugma
Gitiwas niya ang gisulat niyang storyline aron ugma inig-adto niya sa buhatan sa UCV Romances aron pagpirma og kontrata, iya na usab nga ika-submit ngadto kang Rev ang maong storyline.
Tibuok palis siyang nag-atubang sa iyang makinilya aron pagsulat sa iyang storyline. Wala gayod kini niya lung-i hangtod nga nahuman pagsulat.
Human makapirma og kontrata, milahos si Lonia sa buhatan ni Rev aron i-submit ngadto niini ang gisulat niyang storyline.
“Good work,” nagkanayon si Rev human dawata ang storyline nga gisulod niya og brown envelop. “Nakadayeg ko sa imong estilo sa sinulatan human nako nabasa ang katibuk-an sa imong nobela. Mora’g dili katuohan nga bag-o ka pang nagsugod pagsulat.”
“Salamat sa imong komplimento,” mao ray nasulti ni Lonia nga flattered kaayo sa gisulti sa editor.
“Ipadayon ang imong kakugi,” matud ni Rev. “kun consistent lang ang maayo nimong performance sa panulat, seguradong layo ang maabot sa imong career.”
Natukas ang pultahan sa opisina ni Rev. Misulod ang usa ka lalaki nga sa banabana ni Lonia susama ra’g pangedaron ni Rev.
“Mike, gisangpit ni Rev ang lalaki nga bag-o lang nahiabot. “I want you to meet Miss Lonia Duraliza. Siya ang atong new colleague sa UCV Romances.” -- Sumpayan pa
- Latest
- Trending
