Mark tiguwang na para ni Sarah

Lover ni Gloria Diaz ang role ni Mark Bautista (yes, the singer) sa bag-ong series sa ABS-CBN ang Sana'y Maulit Muli.

Nasayran sa Banat Hugyaw nga sa maong series si Gloria maoy mommy ni Gerald Anderson ug bisan nasayod si Mark nga duna na kini anak nga bayongbayong, hagdon niya og kasal ang nahisgutan.

Kahinumduman nga una nang nagkuyog sila si Gloria ug Mark sa Maala-ala Mo Kaya diin magtiayon ang ilang roles, gibase sa true story ang maong eposide.

Tungod niini wala malikayi ang pagpangutana kang Mark kung posible ba nga mahigugma siya og babaye nga mas maguwang pa niya. Tubag sa singer: "Why not?" sagot ni Mark. "Ang importante, mahal ko siya at mabait siya."

Pagkakaron dunay gipanguyaban si Mark nga dili taga showbiz. Gitin-aw niya nga dili na mahimo nga manguyab pa siya ni Sarah Geronimo tungod kay daw igsuon na lamang ang iyang pagtan-aw niini.

Gipasabot niya nga sa kadugay na nilang nag-uban ni Sarah, feeling tiguwang na siya, sanglit 13-years old lamang si Sarah dihang una sila nga nagkita ug siya niadtong panahona 20-anyos. Meaning seven years na sila nga managhigala ni Sarah.

Mga artista ban sa show ni Mo

Dakong pangutana karon kon tinuod ba ang mikatap nga taho nga gidid-an sa Philippine Association of Managers Incorporated o PAMI ang mga artista nga ilang gigunitan nga mo-guest sa kontrobersyal nga radio show ni Mo Twister.

Misamot ang pagduda nga duna gayuy silent ban nga gipatuman ang PAMI tungod kay niadtong Miyerkules sa hapon, replay sa interview ni Mo kang Manay Lolit Solis ang gibalik. Misunod niini ang kontrobersyal nga interview usab ni Mo kang Borgy Manotoc.

Apan ang publicity nga giluwatan sa estasyonan mao nga dunay sakit si Mo.

Hinuon miingon ang mga himantayon nga bisan pa og dunay silent ban dili maproblema si Mo niini sanglit daghan na karong mga artista kansang talent managers dili sakop sa PAMI.