Hagit ni Robin gidawat ni Angel

Bisan og gibalita na sa "24 Oras" niadtong Biyernes nga nag-practice na siya karon og Muay Thai, wala pa gihapon angkona ni Angel Locsin nga pagpangandam kini alang sa iyang next project sa GMA-7 opposite Robin Padilla.

Nabalita na dinhi sa Banat Hugyaw nga action/adventure/drama nga giuluhan og "Asian Treasures" ang next project ni Angel nga puno sa stunts and action scenes.

Nahinabi sa PangMasa ang Production Manager sa "Asian Treasures" ug pong pa niya magsugod ang taping sa last week of October ug first stop nila mao ang Palawan. Matud pa niya nga nasulbad na usab ang isyu nga dili mosugot si Robin nga duna gihapoy mga eksena nga pang fantasy ang iyang umaabot nga soap.

Dungan niini labihan ang gibati nga kalipay ni Angel tungod kay mahinayon ang iyang damgo nga makahimo og tinuod nga action soap pinaagi sa "Asian Treasures." Kini tungod kay ang iyang mga action scenes kaniadto sa "Mulawin," "Darna" ug "Majika" aduna may sagol nga magic.

Matud pa niya nga nasayod siya nga suwayan gayud siya ni Robin kung pwede ba siya mamahimong tinuod nga action star busa misaad siya nga dili niya pakyason ang umaabot niya nga leading man.

Sa pagkakaron busy na si Angel sa pag-promote sa iyang movie kauban sila si Oyo Boy Sotto ug Dennis Trillo.

Atlantika una

Wala unay "Ang Mahiwagang Baul" ug Halloween special nga "Hooooo U?" karong gabii. Kini tungod kay human sa "S-Files," subling isalida ang first two weeks sa "Atlantika" nga wala maaninaw sa kadaghanan, ang "Atlantika: Ang Simula."