Mga Bisdak mag-concert sa Negros

Mga Manash, ayaw kog pangutan-ag bahin atong concert konong gipahigayon last September 30 [mao ba to ni ang petsa?] diha sa Mandaue City Complex, kay wa dyod koy earth [wa koy kalibutan], pero daghan na man sad tingali mog nabasahan bahin ato no, mga manash? Daghan man god kog mga racket atong mga panahona, kay nasayod man sad tingali mo nga bisa'g aging gay writer na ta, in demand pa man sad jud ta, di ba, Jonji Y. Gonzales? Kay mao god ni akong principle: Mientras magamit pa ta, magpagamit pa jud ta, kay kon dili na ta maggamit, hugaw pa tas tanang hugaw, ug mao nay akong gikahadlokan, nga, labay labayan na lang unya ta, bisag sa suod natong mga paryente, labi na'g wa kay laing nahimo's kalibutan gawas sa pagpabadlong ug pagpanghilabot sa imong isigkatawo, labi na'g sige ka'g panghinaot nga mamatay na unta ang imong gikasilagang kauban. Bad jud na, as in, matud pa nilang Tatay Dodong ug Nanay Lim Chua.

Eniwee, ari sad tas more pleasant things, sa balita ni Bro. Gwen ug ni Tatay Dodong, kay moadto diay mis Dumaguete kauban ang Tres Metros nga sila's Ramil [Arman Castro], George [Allan Castro], ug Marlon [Fernan Noval], ug mga >kauban sad sa comedy series nga "Tres Metros" ug uban pang mga TV series sa Cebu Catholic Television Network sama nilang Julius Ceballos [nga member sad sa Oasis Of Love Choir], Myles Arcilla, Armistice Abayan, Chocolate [nga ang tinuod nga ngalan mao si Gilbert Amante] ug nailado na sad nga Michael Jackson of Cebu nga si Silverio, nga usa sa mga goons sa "Tres Metros." Ambot kinsa pa tong uban, pero for more info, tawga silas Sister Stella Palomo M., [09209327328 or 09159383377] kay pilay paad, dunay modagit ninyo didto karong October 16, makahatag mo'g clue unsay lami adtoon inigkagabii, di ba?

Ang sister station didto mao ang Fil Products Service Television ug iatol jud ni's Buglasang Festival sa Negros Oriental diin ang tanang mga festivals sa Negros Oriental magtigi sa ilang tagsa-tagsa ka festivals. Hala na, kontaka na ang inyong mga higala ug mga paryente didto ug ingnang magpa imbentar mo nila, aron mo makasaksi sa dako kaayong kalingawan. In demand na baya kaayo ni rong Tres Metros, kay sa pagtudlo ni Silvero Salamin, nagmugna sila'g lain laing mga sayaw ug kanta.