Aicelle paborito sa GMA 7

Dunay mikatap nga text messages kagahapon samtang padayon pang gitagik kining maong balita nga nagkanayon nga si Aicel Santos ang nahimong grand champion sa 2nd Pinoy Pop Superstar nga gipahigayon kagabii didto sa Araneta Coliseum .

"Si Aicelle Santos ang win dahil bukod sa maganda na siya ay maganda rin ang boses at may height at paborito siya ng mga bossing ng GMA 7," kini ang unod sa text nga nadawat sa PangMasa.

Suma pa nga bisan og mas kusog sa text messages si Gerald Santos ug sa kadaghan sa fans niini, dili siya mahimong grand champion tungod kay gawas nga gamay siyang tawo, mamili usab og tukmang kanta ang iyang tingog nga pang kundiman.

Busa "First runner up lang si Gerald" dugang pa sa text.

Samtang nasayran usab sa PangMasa nga nahisgutan sa mga kadagkuan sa GMA-7 atol sa meeting gahapon nga mas maayo ang 2nd batch kay sa grupo nila ni Jonalyn Viray busa mas mauna pa unya nga mosikat si Aicelle sa naulahi.

Natuki usab suma pa nga himoon na nga mainstay sila sa SOP every Sunday ang second batch sa Pinoy Pop tungod kay mas daghan sila og fans busa magtang-tang og mga hosts ang nahisgutang programa aron sila maoy ipaslak.

Myles nakapAtukod og balay

Gidayeg sa mga himantayon didto sa kaulohan si Myles Hernandez, usa sa mga original nga Viva Hot Babes tungod kay bisan dili na kaayo sila sikat karon nakapatukod na gayud siya og balay didto sa Las Pinas alang sa iyang pamilya.

Nahinumduman pa sa mga himantayon ang pamahayag ni Myles kaniadto sa dihang nagsugod pa siya nga napugos siya nga magpa-sexy tungod kay buot siya nga makatabang sa iyang inahan nga gamay ra kaayo og sweldo isip empleyado sa munisipyo human usab sila biyai sa iyang amahan.

Ang sunod nga nahitabo mao nga excited si Myles nga gipahibawo nga nakapalit na siya og bag-ong cellphone ug nga target na usab niya nga makapanag-iya og sakyanan aron dili na siya mag- MRT sa higayon nga mopauli siya sa Cavite.

Sa dihang nahinabi siya sa PangMasa excited na usab si Myles nga mibalita nga duna siyay art video kauban sila si Gwen Garci ug Zarra Lopez nga dunay titulong Striptease.

Dungan niini, giklaro ni Myles nga dili tinood ang taho nga duna na siyay ka-live-in apan iya hinoong giangkon nga duna siyay uyab nga dili taga-showbiz.

Samtang daghan ang nakugang sa nahisgutan nga art video tungod kay gawas sa stripteasing, duna usab diay kini lap dancing ug pole dancing diin itudlo ni Gwen kung unsaon pagpukaw sa sensual spirit sa partner sa usa ka babaye.