Roxanne sum-ol na?

Human sa iyang pag-ober da bakod gikan sa GMA 7 ngadto na sa ABS-CBN, bulahan kaayo ang TV host/actress nga si Toni Gonzaga. Kini tungod kay dili lang ang iyang hosting sa Pinoy Big Brother ug Wazz Up, Wazz Up kun dili apil usab siya sa new time gag show nga Gudtaym diin gisugdan kagahapon sa gabii.

Hinuon aduna'y daghang ipakitang talento si Toni hinungdan nga stick gihapon ang maong actress sa Channel 2. "As long as they need my services, I'm willing to serve them; and at the time that they don't need me anymore, I'm prepared," matud pa ni Toni.

Sa iyang lovelife, matud pa ni Toni nga "naku, hindi pa yata ako handa diyan. Parang hindi ko kakayaning lumakad na may ka-holding-hands. I'm 22, so, parang hindi pa puwede, eh. 'Yung tungkol nga sa amin ni Luis (Manzano) na balitang kami na, eh, hindi ko na lang pinapansin. Sabi ko, mamamatay din naman 'yung balita, eh. Saka hindi naman kami nagdi-date nu'n."

* * *

Kinsa kaha karong gabhiona ang mapalagpot sa Bahay ni Kuya ? Kini maoy atangan sa nagpadayong Pinoy Big Brother Celebrity Edition.

Tulo ang nominado aron mapalayas sa Bahay ni Kuya, si Roxanne Barcelo, Aleck Bovick ug Keanna Reeves. Apan matud pa sa pulso sa publiko, mura'g dili pa matangtang ang Cebuana nga si Keanna. Kung kini tinuod man, anaa na kanila ni Aleck ug Roxanne ang magtigi karong gabi-i.

Daghan ang dili ganahan ni Roxanne kay arte samtang si Aleck gusto na usab mopahawa sa Bahay ni Kuya tungod kay miss-na-miss na daw niya ang iyang boyfriend nga si Carlo Maceda ug gusto niyang maatiman ang iyang masakitong amahan.

Kung si kinsa man nilang tulo ang mapalagpot sa Bahay ni Kuya kini maoy atong atangan karong gabi-i.