Arnell Ignacio namaligya na lang og painting

Ang negosyo ug ang iyang hobby nga painting maoy gihatagan og dakong atensyon sa sikat nga commediene ug kaniadto inila nga TV host nga si Arnell Ignacio.

Kini sukad siya nawagtang sa telebisyon human nanamilit ang abs-cbn noontime show Magandang Tanghali Bayan last year.

Gani niadtong petsa 16 sa Disyembre giablihan ni Arnell ang iyang one-man exhibit didto sa Greenhills shopping Center og molungtad kini hangtud ugmang adlawa.

Gibutyag ni Arnell nga bisan og buwag na siya sa iyang asawa malipayon gihapon siya tungod kay kauban niya ang iyang nuybe-anyos nga anak nga si Sophia.

Kahinumduman nga sikat kaayo si Arnell mga two years ago isip host sa K-Videoke Challenge matag Domingo sa GMA-7 diin left and right usab ang iyang guestings sa nagkalain-lain nga mga show sa nahisgutang network.

Gumikan sa mao niyang estado gi-pirate siya sa Kapamilya network pinaagi sa napagya nga "name your price" o sa simpleng pagkasulti siya maoy gikatahong gipabuot sa iyang sweldo.

Tuod man nahimo nga main-host si Arnell sa MTB kauban si comedy queen Ai-ai delas Alas apan wala nagdugay ang maong show sanglit wala kini mi-arangkada sa rating.