Ang attitude ug lifestyle ni Piolo Pascual

"I Love you, Piolo....!" Mao kini ang singgit ni Toni Gonzaga sa dihang wa na siya makapugong sa iyang gibati sa pagka kita niya kang Piolo Pascual sa commercial sa usa ka softdrink nga mao pod ang naghatag og dalan kang Toni paingon sa iyang nahimutangan karon busa, dili malimot si Toni kang Piolo.

Gikan niadto, sila si Toni ug Piolo nakahimo na og pipila ka lain pang mga commercials. Si Piolo, may fried chicken, ug karong bag-o duna na sad siya'y lain na usab nga commercial alang sa San Mig 3 in 1 coffee, diin, may mga tulo ka babaye na sad nga nagpaingon na usab sa ilang kabantogan.

Pinangga si Piolo sa mga dagkong kompaniya bisan sa mga matang sa panapot, bag ug uban pa. Tungod kono ni sa attitude of lifestyle ni Piolo, matud pa sa writer nga si Jerome Gomez ug ikalarawan kono ni sa bag-ong pinuy-anan ni Piolo nga usa ka Mexican style ug layo sa Manila. Anaa kini sa Diliman, Quezon City.