Sakripisyo ni AC kalabot sa gugma

CEBU, Philippines — Wala magduha-duha si AC Bonifacio sa paghisgot sa labing dako nga  sakripisyo nga iyang nahimo tungod sa gugma.

 Wala niya damha ang nabuhat niya kaniadto kun diin nagpabilin siya  sa usa ka relasyon  nga giiingong naghatag og kadaot sa iyang  kaugalingon.

Matud pa niya nga  nagpabilin siya sa maong relasyon kaniadto tungod kay gihigugma niya ang tawo ug naglaom nga mausab pa kini.

Ulahi na siya nga nakaamgo nga napasagdan na niya ang iyang kaugalingon.

Nahilom

Wala makatingog si Ryan  Bang sa dihang nilugwa ang OPM hitmaker nga si Yeng Constantino sa “It's Showtime” sa niaging adlaw . Gidalit ni Yeng ang awit nga  “Sabihin Mo Na." Kahinumdoman nga hapit nagkauyab ang  duha  kaniadto . Wala sila nagkadayon human kalit nga wala na nagpakita  si Ryan kang Yeng .

‘GGV Unfiltered’

Dunay mas  makalingaw ug mas walay putol nga bersyon sa “Gandang Gabi Vice” ang gipangandaman sa mga tumatan-aw pinaagi sa “Gandang Gabi Vice: Unfiltered.”Eksklusibo kining  makita  sa iWant sugod karong Septiyembre 13, Domingo, diin ipakita ang sobra usa ka oras nga dugang eksena ug mga panag-istoryahanay nga wala naapil sa bersyon nga gi-ere  sa telebisyon.

“Usap-usapan”

Bag-ong paagi sa paghatod sa balita ang ipaila sa GMA News pinaagi sa “Usap-usapan: What We Know So Far,” nga magsugod   sa GTV karong Septiyembre 14.Ang 30-minutos nga news and information program ipasalida matag Lunes hangtod Biyernes, alas-6 sa gabii, sa dili pa ang “24 Oras.”Susihon usab sa maong programa  ang mga trending nga impormasyon, viral posts, hungihong ug uban pa. Pagadalhon  kini sa Team Totoo.