Christine Bersola-Babao nakatawa sa balita nga mikatap

Gikataw-an sa TV personality nga si Christine Bersola-Babao ang mga mikatap nga balita nga naaksidente ug namatay kuno ang ilang anak ni Julius nga si Antonia.

Base sa taho nga nagduwa kuno si Julius ug Antonia apan aksidenteng nabuhian ni Julius ang bata ug nahulog kini.

Gikompirma ni Tintin nga dili tinood ang mga mikatap nga balita kabahin ni Antonia ug gani kauban pa niya kini paingon sa mall dihang nakadawat siya og mga mensahe sa text nga nangutana kung unsa ka tinood ang balita nga migawas.

Si Tintin adunay katahap nga ang maong isyu usa ka social experiment sa usa ka grupo aron ma-check kung tuohan o sakyan  ba kini sa publiko.

Sa unang pagkahibawo ni Tintin sa maong balita gibati kini og kabalaka apan ang maong kabalaka nahanaw dihang iyang nabatyagan nga daghan ang nagpakita og concern ngadto kaniya.

Joseph Bitangcol ug Sandara Park buwag na?

Uyab ni Sandara Park nga si Joseph Bitangcol mikompirma nga buwag na silang duha.

“Actually, two weeks na kaming hiwalay ni Sandy” angkon pa ni Joseph dihang gipangutana kini.

Ang maong isyu migawas na kuno kini sa usa ka pamantalaan apan si Joseph nagkanayon nga “hindi kasi namin ‘yon ipinamamalita kaya ngayon lang nasulat”.

Gitataw ni Joseph nga walay third party ang nalambigit sa ilang panagbuwag ni Sandy apan wala usab ibutyag niini kung unsay ilang kanunay’ng awayan sa kanhi uyab nga misangpot sa ilang panagbuwag.

Apan bisan og nagkabuwag na ang duha giangkon ni Joseph nga aduna gihapon siya’y pagbati ni Sandy.

“Almost three years din naman ang tinagal namin kaya siyempre, kahit paano, hindi naman magiging madali para sa akin ang kalimutan siya. Saka, bago pa lang din kami naghiwalay, kaya siyempre mahal ko pa rin siya”, ni Joseph pa.

Wala kuno hilaki ni Joseph ang ilang panagbuwag ni Sandy apan giangkon niini nga naguol siya.

“Nalungkot ako, pero hindi ako umiiyak. Siya umiyak siya, kasi babae, e” butyag pa sa actor.

Gihinumduman ni Joseph ang ilang mga malipayong adlaw ni Sandy “marami kaming masayang ala-ala together, e. Pero siguro ang pinakamasaya, nung time na nagpunta kami sa Cebu, last Christmas yata ‘yon, Dalawa lang kaming nagpunta doon, namasyal kami, tapos dinalaw namin ‘yung mga friends namin na nakatira doon. Ang saya-saya talaga namin that time. Nakapagbonding kami ng husto sa Cebu.”

Sa Mactan Shangri-La Hotel temporaryong mipuyo ang duha dihang mianhi sila sa Cebu apan bisan sila lang kunong duha si Joseph ug Sandy wala kunoy nahitabo nila.

“Kasi ang gusto namin noon, kung may mangyari sa amin, dapat kasal na muna kami. Saka, hindi rin naman ako ‘yung lalaking mapagsamantala. Malakas ang kontrol ko sa sarili, e. Pero siyempre, magkayakap kaming matulog. Pero hanggang ganoon lang talaga kami. Promise, wala talagang nangyari sa amin” dungag sa actor.

Iza Calzado gustong mohupot pag-usab sa iyang role sa “Sigaw”

Walay napiliang actress sa Hollywood si Iza Calzado nga pweding modala sa iyang award winning role sa Hollywood version sa Sigaw, diin ang title niini mao ang “The Echo” kinsa si Yam Laranas ang original director niini mao gihapon ang mo-direk.

Unang nabalita nga ang modala sa role ni Richard Gutierrez isip Marvin sa “The Echo” mao ang Hollywood actor nga si Jesse Bradford.

Matud ni Iza nga kung mahatagan siya og higayon gusto niya nga siya gihapon ang modala sa role niya isip Anna kinsa usa ka kulatado ug gipatay nga asawa nga nagmulto sa usa ka apartment  building sa 2004 nga pelikula sa Sigaw.

Mapasigarbohon kaayo si Iza sa mao niyang role tungod kay nakadawat siya og pasidungog niini isip Best Supporting Actress sa Gawad Urian  niadtong tuig 2005.

“Kaya wala akong pipiliin na Hollywood actress at gusto ko na ako pa rin ang gaganap” ni Iza pa kinsa nagkatawang mitubag dihang gipangutana kini atol sa presscon sa Ouija.

“Maganda sana kung kaming mga original cast ang kunin, di ba? Malaking break sa amin ‘yon. Pero siyempre Hollywood na ‘yan kaya bahala na sila kung sino ang gusto nilang kunin” matud pa sa actress.

Gibutyag ni Iza nga mitambong sila ni Richard Gutierrez sa Screamfest L.A. International Horror Festival niadtong Oktubre 2005 para ipresentar ang Sigaw.

Ang nahisgutang horror film sa Pilipinas nahimo kining entry sa nahisgutang Horror Festival ug nakakuha kini og award sa best musical score.

Giangkon ni Iza nga gusto niyang manimpalad sa Hollywood apan iyang nahuna-huna nga nindot na ang dagan sa iyang career dinhi sa Pilipinas.

“During that time, ongoing pa ‘yung Encantadia and sunod-sunod ang projects ko sa GMA-7. Naisip ko bakit pa ako susubok sa ibang bansa, e, okey na ako at masaya na ako sa Pilipinas”, ni Iza pa.

“Sa Hollywood kasi, marami ka pang pagdadaanan and they not even care kung nagbida ka na sa anumang TV show or pelikula sa Pilipinas. Marami na tayong mga kababayan na nagta-try na sa Hollywood. Ayoko nang makipagsabayan pa sa kanila. What’s important is nagbigay tayo nga support sa kanila if ever maging successful sila sa pag-penetrate sa Hollywood,” dungag pa sa actress.

Wendy Valdez natangtang sa laing entry sa MMFF

Kung natangtang man ang duha ka Pinoy Big Brother  (PBB) housemates nga sila Bruce Quebral ug Zanjoe Marudo sa 2007 Metro Manila Film Festival (MMFF) entry sa “Desperadas”, natangtang usab ang co-housemate ug uyab ni Bruce nga si Wendy Valdez sa usa pa ka MMFF entry, nga mao ang “Banal” sa ComGuild Production kinsa si Cesar Apolinario ang mo-direk niini.

Nindot unta ang role ni Wendy sa Banal nga unta maoy role ni Iza Calzado apan mibuhi lang kini sa maong proyekto tungod kay kauban man sa Desperadas si Iza.

Ang manager ni Wendy nga si Ambet Nabus og contributor usab sa PEP magazine mibutyag nga nakig-istorya kaniya ang ABS-CBN.

“Kinausap ako ng ABS-CBN, gusto rin nila sana ang pelikula para kay Wendy, pero they saw a lot of potential sa alaga ko. Ang request nila, kung pwede sana, ang unang project niya, sa Star Cinema,” butyag pa ni Ambet.

“ Naintindihan ko naman sila at saka request lang naman. Pwede ko naman tanggihan kung tutuusin, pero nagbigay na rin ako’ dungag ni Ambet.

Ang laing ex-PBB housemate nga si Cass Ponti ang mipuli ni Wendy.

Sa laing bahin, overhauled na kuno ang original casting sa Banal diin ang submitted cast list niadto sa ComGuild ngadto sa MMFF screening committee sila si Marvin Agustin, Dingdong Dantes ug Iza ang mga main lead.

Apan gipulihan ni Christopher de Leon si Marvin, si Alfred Vargas ang mipuli ni Dingdong ug lakip na usab sa cast sila si Paolo Contis ug Paolo Paraiso.