F2 at Petron itatakda ang Finals series

MANILA, Philippines — Sisimulan ng nag-dedepensa at top seed na F2 Logistics ang ka­­nilang asam na ikala­wang sunod na finals ap­pearance sa pagharap sa 2016 champion na Foton sa Game One ng best-of-three semifinal se­ries nila para sa 2018 Chooks to Go-Philippine Superliga (PSL) Grand Prix sa FilOil Flying V Center sa San Juan City.

Haharapin ng Cargo Movers ang Tornadoes ngayong alas-7 ng gabi, habang magtatagpo ang Petron Blaze at Cocolife Asset Mana­gers sa alas-4:15 ng ha­pon sa isa pang semis match.

Kapwa hangad ng F2 Logistics at Petron ang isa na namang finals showdown makaraang tu­­mapos na may parehong 9-1 marka sa eli­mi­nasyon.

Matapos patalsikin ng De La Salle Lady Spi­kers ang National Uni­versity Lady Bulldogs sa UAAP ay inaa­sahan din na maglala­ro na si 6-foot-5 Jaja Santiago para sa Foton ka­sama ang kanyang ka­patid at team captain na si Dindin Santiago-Manabat at sina Maika Ortiz at Gyselle Sy.

Kaya inaasahang ibang Foton team ang ma­tutunghayan sa pag­la­­la­ro din nina Diana Carlos at Isa Molde at imports Elizabeth Wendel at Channon Thompson ng Trinidad and Tobago.

“We’re facing a well-oiled machine. But still, F2 has some lapses so need to take advantage of those lapses. We are ready to triple our effort if we have to. The im­por­tant thing is to show that we are hungrier than them and we want it more,” sabi ni Foton coach Rommel Abella.

Itatapat naman ni coach Arnold Laniog ng Cargo Movers sina imports Maria Jose Perez at Kennedy Bryan at mga locals na sina Aby Maraño, Kim Fajardo at skipper Cha Cruz.

Sa ibang laro, sasan­dal ang Petron kina im­ports Lindsay Stalzer at Katherine Bell na siyang pumalit sa na-injured na si Hillary Hurley at mga locals na sina Aiza Maizo-Pontillas, Frances Molina at Mika Re­yes laban kina Serbian imports Sara Klisu­ra, Marta Drpa at mga locals na sina Mary Jean Balse at Cristina Salak ng Cocolife.

“She’s a good com­mu­nicator who loves to motivate her teammates. I hope she can help us reach our ultimate goal, which is to win the title,” sabi ni Petron coach Shaq Delos Santos kay Bell.