Dennis ibinukong may relasyon na sina Julia at Joshua!

SEEN: Kinumpirma ni Dennis Padilla sa presscon ng The Barker na may relasyon na ang kanyang anak na si Julia Barretto kay Joshua Garcia. Gustung-gusto ng entertainment writers si Dennis dahil hindi uso sa kanya ang mga off-the record.

SCENE: Mahirap interbyuhin si Empoy Marquez dahil mga biro ang sagot niya sa mga seryoso na tanong sa kanya. Palaging may “joke lang” na kasunod ang mga sinasabi ni Empoy.

SEEN: Sumakay ng helicopter si Alden Richards noong Huwebes mula sa Laguna para hindi siya ma-late sa kanyang meet-and-greet sa SM Fairview. Napilitan si Alden na sumakay sa chopper dahil matindi ang trapik noong Huwebes.

SEEN: Mararamdaman ni John Lloyd Cruz na hindi siya mami-miss ng showbiz kapag nag-umpisa na ang indefinite vacation niya dahil marami ang mga bagong artista na dumarating, sumisikat at mas karapat-dapat na idolohin ng publiko.

SCENE: Hot momma si Sarah Lahbati kahit three months pregnant sa second child nila ni Richard Gutierrez dahil seksi pa rin siya.

SEEN: “Butch Francisco ng Bagong Panahon” ang pakilala ni Mr. Fu sa sarili dahil borta rin ang pangangatawan niya gaya ng former co-host ng Startalk.

SCENE: Ngayon ang 67th birthday ni Jimmy Santos. Kinakantiyawan pa rin si Jimmy ng Eat Bulaga Dabarkads dahil sa milyun-milyong piso na napanalunan niya sa casino.

SEEN: Magaganap sa October 21 ang church wedding ni Lolieta, ang Sugod Bahay winner, sa kanyang boyfriend na si Ernie. Thirty-nine years na ang relasyon nina Lolieta at Ernie. Sagot ng Eat Bulaga ang lahat ng gastos sa church wedding nila.