Police station inatake ng NPA!
TUGUEGARAO CITY, Cagayan, Philippines - Isang police sub-station ang nilusob ng mga rebeldeng new People’s Army at pinaggugulpi ang mga pulis at saka tinangay ang kanilang mga armas sa tabi ng munisipyo ng Amulung, Cagayan noong Huwebes ng hapon. ?
Ayon kay Cagayan Valley Police Director, Chief Supt. Eliseo Rasco, may 30 rebeldeng naka-camouflage uniforms ang sumalakay at tumangay ng dalawang .9mm baril, isang M14 at apat na M16 armalite rifle sa himpilan matapos gulpihin ang mga pulis pati ang pinuno na si SPO4 Emmanuel Vergara.?
Tinangay din nila ang isang Mahindra patrol vehicle na kinalaunan ay natagpuang sunog at inabandona sa Brgy. Pacac, Peñablanca, Cagayan.
Sinabi ng isa sa mga rebelde ang “Huwag na kayong lumaban para mabuhay kayo, baril lang ang kailangan namin”.?
Matapos ito, nahuli sa isang checkpoint si David Soriano alyas Ka Rosa habang sakay ng Starex van (WML 500) sa Brgy. Camasi at drayber niyang si Jude Malana Cipriano.
Si Soriano ay kalihim ng CPP-NPA Regional Party Committee na prime suspect sa pagpatay kay Mayor Carlito Pentecostes Jr. sa nilusob niyang munisipyo sa Gonzaga noong 2015 at umatake sa construction depot sa Baggao noong 2016 na ikinasawi ng anim na pulis.
- Latest
