Hontiveros nagtinguha og imbestigasyon sa provisional understanding

CEBU, Philippines — Si Senador Risa Hontiveros niduso og resolusyon alang imbestigasyon sa Senado sa “provisional understanding” tali sa gobiyerno sa Pilipinas ug China kalabot sa mga resupply mission ngadto sa Ayungin Shoal bisan pa sa padayong aggression sa China sa West Philippine Sea.

“Ang tanong lang naman: gumagana ba itong kasunduan? Kasi kung para ito maiwasan ang gulo at maprotektahan ang ating mga sundalo, bakit patuloy silang sinasaktan habang ginagawa lang nila ang trabaho nila? The Senate needs to see exactly what was agreed upon, and whether the Philippines is actually benefiting from it”, matud ni Hontiveros sa gipadala nga press statement.

Ubos sa proposed Senate Resolution No. 589 gitumbok ni Hontiveros ang sunod-sunod nga mga insidente nga nagpakita og pagduha-duha sa pagkaepektibo sa maong kasabotan.

Lakip niini ang engkwentro niadtong Hunyo 2024 nga hinungdan sa pagkaputol sa kumagko sa tudlo sa usa ka Pilipinong marinero; ang insidente niadtong Marso 2026 diin gitutokan og fire-control radar ang Philippine Navy frigate nga BRP Miguel Malvar ug ang pag-atake niadtong Hulyo 2026 sa Ayungin Shoal diin usa ka personnel sa Philippine Navy gibunalan og kahoy nga baton ug kinahanglang i-medical evacuation.

Matud sa Department of Foreign Affairs nga ang kasabotan gituyo aron malikayan ang miscalculation atol sa mga misyon sa Pilipinas ngadto sa BRP Sierra Madre. Dili usab nagkinahanglan nga mangayo og permiso ang Armed Forces of the Philippines sa China o motugot sa mga Chinese personnel nga mosakay sa mga barko sa Pilipinas.

Apan si Defense Secretary Gilberto Teodoro nipadayag nga walay sama niini nga kasabotan.

“Hindi puwedeng sinasabi ng DFA na may kasunduan, tapos sinasabi naman ng DND na wala. These are the agencies responsible for our foreign relations and national defense. Kailangan malinaw sa kanilang dalawa and especially to our soldiers on the ground kung ano ba talaga ang patakaran natin”, ni Hontiveros pa.

Matud ni Hontiveros nga gituohan nga ang maong kasabotan makatabang sa kahapsay sa atong kadagatan.

Apan padayon nga adunay mga sundalong mopauli nga samdan. — /BDB (BANAT NEWS)