Pamamahagi ng Bayanihan Fund sinimulan sa Maynila at Parañaque
MANILA, Philippines — Sinimulan na kahapon sa Maynila at Parañaque ang pamamahagi ng Social Amelioration Program (SAP) Bayanihan Fund: Tulong Laban sa COVID-19.
Ayon kay Cabinet Secretary Karlo Nograles, ang Department of Social Welfare and Development (DSWD) ang mangunguna sa pamamahagi ng pinansiyal na tulong sa mga kuwalipikadong mamamayan na naapektuhan ng enhanced community quarantine (ECQ).
Pinayuhan ni Nograles ang mga mamamayan na hintayin ang pasabi sa kanila upang maging maayos ang distribusyon ng tulong.
Kasama rin sa uunahin ang mga benepisyaryo ng 4Ps pero dapat aniyang iwasan ang pagkukumpulan sa mga bangko.
Samantala, tiniyak ni Nograles na tinitipon na ang mga nagastos at nagawa ngayong buong linggo upang maisama sa report ni Pangulong Rodrigo Duterte tungkol sa COVID-19 na ipapadala sa Kongreso sa Lunes.
- Latest