6-12 months loan moratorium sa nasalanta ng Taal eruption
Apela sa GSIS, SSS, Pag-Ibig
MANILA, Philippines — Hnikayat ni Sen. Nancy Binay ang mga financial agencies ng gobyerno katulad ng GSIS, SSS, at PAG-IBIG Fund na magpatupad ng anim hanggang isang taong moratorium sa mga may utang na naapektuhan ng pagsabog ng Taal Volcano.
Ayon kay Binay, mababawasan ang dapat problemahin ng mga mamamayan na apektado ng pagsabog na may utang sa mga financial agencies ng gobyerno kung magpapatupad ng moratorium.
Maging ang mga local government units aniya ay hindi muna dapat maningil ng mga penalties sa mga hindi makapagbayad ng buwis sa lupa at negosyo.
Umapela rin si Binay sa mga bangko ng gobyerno, lending agencies at financial institutions na ipagpaliban ang loan payments ng mga may utang sa mga lugar na idineklarang nasa ilalim ng state of calamity.
Ipinunto ni Binay na dapat magpakita ng awa sa mga naapektuhang residente at malaking bagay ang hindi muna paniningil ng kanilang utang.
Inilagay sa ilalim ng state of calamity ang probinsiya ng Batangas at Cavite.
- Latest