Catcalling sa babae ibabawal

MANILA, Philippines — Pumasa na sa ikatlo at huling pagbasa sa Senado ang panukalang batas na naglalayong ipagbawal at patawan ng parusa ang “catcalling” sa mga babae o panunutsot. Ang panukala ay nakapaloob sa Senate Bill 1326 o “Safe Streets and Public Spaces Act of 2017.”

Bukod sa catcalling, ibabawal din ang “wolf-whistling”, pagmumura, pagpupursige sa paghingi ng pangalan at contact details at panglalait base sa “actual o perceived sex, gender expression, o sexual orientation” sa mga pampublikong lugar.