Ex-NSA adviser Golez inilibing na
MANILA, Philippines — Inihatid na kahapon sa kaniyang huling hantungan si dating National Security Adviser at dating Parañaque representative Roilo Golez sa Heritage Park, Taguig City.
Kasabay ng mga pag-ulan ay bumuhos din ang emosyon mula sa kaniyang pamilya, kaibigan, kapwa mambabatas, mga opisyal ng gobyerno at mga natulungan ni Golez.
Ang namayapang opisyal ay binigyan pa ng gun salute at full military honors para sa kaniyang serbisyo sa Philippine Navy bilang Naval Captain.
Si Golez ay binawian ng buhay matapos itong ma-cardiac arrest nitong Hunyo 11 sa edad na 71.
Umupo bilang kongresista ng Parañaque City si Golez mula 1992 hanggang 2001 bago nanungkulan bilang security adviser ni dating Pangulong Gloria Macapagal-Arroyo noong 2001 hanggang 2004.
- Latest
