^

Resealing ng metro sa taxi, itinigil ng LTFRB

- Ni Angie dela Cruz () - July 19, 2011 - 12:00am

MANILA, Philippines - Pansamantalang itinigil ng Land Transportation Franchising Regulatory Board (LTFRB) ang pagre-reseal sa metro ng mga taxi sa bansa partikular sa Metro Manila mula kahapon.

Sa isang panayam, sinabi ni Atty. Manuel Iway, board member ng LTFRB, ang hakbang ay ginawa ng ahensiya upang bigyang daan ang pag-aaral sa naisampang petisyon sa kanilang tanggapan ng Phil. National Taxi Operators Association (PNTOA) at Association of Taxi Operators in Metro Manila (ATOMM) na humihiling na huwag na silang dumaan sa resealing ngayong buwan ng Hulyo dahil katatapos lamang nilang magpa-reseal ng mga units para sa P40.00 flag down rate.

Magugunitang ang bagong flag down rate ay naipatupad epektibo Enero 2011 at may kanya-kanyang buwan ng pag-reseal sa bawat ending ng plaka ng sasakyan mula sa ending 1 at 6 noong Enero, ending 2 at 7 noong Pebrero, ending 3 at 8 noong Marso at ending 4 at 9 nitong Abril at ending 5 at 0 nitong nagdaang buwan ng Mayo.

Ikinatwiran ng PNTOA at ATOMM na hindi na dapat silang dumaan sa resealing ng metro dahil katatapos lamang nilang magpa-reseal at dagdag gastos lamang ito.

Ang resealing ng mga metro ay ginagawa dalawang beses sa isang taon, tuwing ika-anim na buwan bawat taon.

ABRIL ASSOCIATION OF TAXI OPERATORS ENDING ENERO HULYO IKINATWIRAN LAND TRANSPORTATION FRANCHISING REGULATORY BOARD MANUEL IWAY METRO MANILA NATIONAL TAXI OPERATORS ASSOCIATION
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with