Verzosa kapalit ni Razon

Itinalaga ni Pangu­long Gloria Macapa­gal-Arroyo bilang ka­palit ni outgoing Philippine National Police Chief Director-General Avelino Razon Jr. si PNP Deputy Director-General Jesus Ver­zosa.

Inianunsiyo ng Pa­ngulo ang pagtatalaga kay Verzosa kamaka­lawa ng gabi bago ito tu­mulak patungong Esta­dos Unidos upang du­malo sa United Nations General Assembly.

Mismong si Pangu­long Arroyo ang ma­ngu­nguna sa paglilipat ng tungkulin kay Ver­zosa sa pagbabalik niya sa ban­sa sa Set­yembre 27.

Nakatakdang mag­re­tiro si Razon sa kan­yang ika-56 kaarawan sa Sep­tember 29 bi­lang hepe ng PNP at ili­lipat nito ang tungkulin kay Verzosa sa isang sere­monya sa September 27.

Si Verzosa ay mi­yem­bro ng PMA Class 1976 at nagsilbi bilang hepe ng Criminal Investigation and Detection Group. Nakatakda itong magretiro sa Disyembre 25, 2010.

Si Verzosa ang pang-15 PNP chief at naging aktibista sa panahon ng rehimeng Marcos.

Nagpahayag kaha­pon si Verzosa ng pa­sasalamat sa Pa­ngulo at nangako siya na hindi niya bibiguin ang pagtiti­wala nito sa kanya.

Ayon kay Verzosa, kay Interior and Local Government Secretary Ronaldo Puno niya nala­man ang magan­dang balita.

Kilala rin si Verzosa bilang reform manager ng PNP dahilan siya rin ang Executive Director ng PNP Program Management Office na siyang pangunahing nagsusuperbisa sa ipi­natutupad na Integrated Transformation Program.

Inihabilin ni Razon kay Verzosa na ipag­patuloy ang magan­dang imahe ng Ma­mang Pulis.

Sinabi ni Razon na handa na siya sa ka­niyang buhay sibilyan kung saan matapos siyang magretiro ay magbabakasyon muna siya sa piling ng kani­yang pamilya kung saan ay bukas siya sa pani­bagong posisyon sa gob­yerno upang ma­ipag­patuloy pa ang ser­bisyo sa mamamayan. (Rudy Andal at Joy Cantos)