Lobbyist walang delikadesa

Binatikos kahapon ni Ambassador Ernesto Maceda ang umano’y kawalang-delikadesa ni Joe Concepcion at iba pang negosyanteng mula sa Makati City na nagtungo kamakalawa sa Malacañang para hilingin kay Pangulong Joseph Estrada na italagang bagong tagapangulo ng Commission on Elections si Fr. Joaquin Bernas.

Pinuna ni Maceda na kabilang sina Concepcion at Bernas sa mga grupong humihingi ng pagbibitiw ng Pangulo sa puwesto.

Kasalukuyang naghahanap si Estrada ng kapalit ni Comelec Chairman Harriet Demetriou na takdang bumaba sa puwesto. (Ulat ni Ely Saludar)