Other women ni Erap iimbestigahan sa House

Ilang oposisyong mambabatas ang naghain kahapon ng isang resolusyong humihiling na imbestigahan ng mababang kapulungan ng Kongreso ang ibang asawa ni Pangulong Joseph Estrada tulad nina Laarni Enriquez at Guia Gomez dahil sa umano’y posibleng pakinabang ng mga ito sa limpak na yaman ng Pangulo.

Sinabi ni Pangasinan Rep. Hernani Braganza na naniniwala siyang higit na nakinabang ang dalawa sa 28 buwan pa lang na panunungkulan ni Estrada sa puwesto. Kabilang din sa naghain ng resolusyon sina Reps. Mike Defensor (Quezon City), Juan Miguel Zubiri (Bukidnon), Prospero Pichay (Surigao del Sur), Ricky Sandoval (Malabon-Navotas) at Oscar Moreno (Misamis Oriental). (Ulat ni Marilou Rongalerios)