KCS-Mandaue fighting force pormal nga gilusad
CEBU, Philippines — Misaad ang Kiboy's Computer Solutions (KCS)-Mandaue City nga ipabuhagay ang ilang tanang abilidad aron mahimong usa ka kaintapan nga koponan sa dihang mopakita kini og aksiyon sa labing unang Pilipinas VisMin Super Cup nga mosikad karong Abril 9 sa usa ka bubble format ubos sa estriktong health and safety protocols.
Mao kini ang gipasalig ni KCS-Mandaue team owner Ricky Verdida ug head coach Mike Reyes atol sa pormal nga paglusad sa team sa miaging adlaw didto sa San Remigio Pensionne Suites sa Barangay Mabolo, Dakbayan sa Sugbo.
"It's a tough challenge for us because our team is new to this kind of league. It's a big league with a lot of strong contenders," sumala pa Verdida.
Ubos sa giya ni coach Mike Reyes ug team manager Ritchie Cesa, ang KCS-Mandaue gilangkuban sa mga kanhi champion players sa Southwestern University (SWU)-Phinma Cobras nga gipangulohan ni MPBL standouts Joseph Airo Nalos ug Bernie Bregondo sa Bataan Risers, reigning CESAFI Most Valuable Player Shaq Imperial ug Dyll Roncal.
Anaa uban kanila ang Cebu City Mayor's Cup MVP Steve Castro, former pro Alfred Batino, Enrico Llanto, Vincent Menguito, Steve Castro, Gileant Delator, Monic Soliva, Phil Mercader ug Raffy Oktobre.
- Latest