Slaughter posible pa nga maapil sa Gilas

CEBU, Philippines —  Wala malakip si Greg Slaughter sa Final 12 sa Gilas Pilipinas nga moduwa sa Southeast Asian Games sunod semana didto sa Philippine Arena, apan gibutyag ni Gilas coach Tim Cone nga posible pa nga isingit ang Sugboanong sentro sa maong line-up.

Si Cone mibutyag nga may katungod siya nga usbon ang unang line-up samtang wala pa magsugod ang torneyo ug  iapil ang Barangay Ginebra Kings center nga si Slaughter, apan magdepende kini sa kondisyon sa maong basketbolista.

Ang   Final 12 sa Gilas naglangkob nilang  JuneMar Fajardo, LA Tenorio, Stanley Pringle, Japeth Aguilar, Chris Ross, Marcio Lassiter, Roger Pogoy, Troy Rosario, Christian Standhardinger, Vic Manuel, Matthew Wright ug Kiefer Ravena.