Azkals, China nagtabla

CEBU, Philippines — Tabla ang resulta sa duwa sa Phl Azkals ug sa China sa World Cup qualifiers niadtong Martes sa gabii didto sa Panaad Stadium sa Bacolod City.

Giisip sa Azkals ang maong duwa nga usa ka dakong kalampusan kay natupngan nila ang katakus sa Asian powerhouse team nga China nga miresulta sa 'scoreless' draw.  

Gitumbok nga hinungdan sa nindot nga labok sa Azkals mao ang pagduwa ni Fil-British goal keeper Neil Etheridge nga wala mitugot  nga maka-goal ang China.

"It's a great result for us, but I still feel we have a lot more to give," matud pa ni Etheridge sa Sports5.

Ang China maoy rank 68 sa tibuok kalibotan, samtang ang Azkals anaa lang sa rank 127.

Ang Azkals aduna na'y four points sa Group A.