Christian dili pa andam

CEBU, Philippines — Dili pa andam si Christian Standhardinger  nga hisgutan ang iyang  PBA debut kay nakasinati og sakit nga kaparotan ang   iyang koponan nga Hong Kong Eastern Lions sa ABL.

Ang defending champion Eastern Lions  nanamilit na sa liga  dihang gitiwasan sila sa Alab Pilipinas, 72-79  sa Game-2 sa ilang “best-of-three” semifinals series niadtong Domingo didto  sa Sta. Rosa, Laguna.

Ang Fil-German nga si Standhardinger dismayado tungod kay pakyas siya sa iyang misyon nga modaog og ABL title sa dili pa siya mobiya sa liga aron moduwa uban sa San Miguel Beermen.

Bisan pa sa pamahayag ni Standhardinger, naghinam-hinam na ang Beermen coaching staff   sa pagduwa sa ilang No. 1 pick  sa opening sa PBA Commissioner’s Cup nga sugdan sunod semana. (BANAT NEWS)