Magnolia batok San Miguel sa finals
CEBU, Philippines — Nakuha gyud sa Magnolia Hotshots ang katapusang luna ug maoy makigsangka sa San Miguel Beermen sa sa PBA Philippine Cup finals.
Miagi pa hinuon og makutas nga Game 6 ang series una nila tagaka ang NLEX Road Warriors.
Ang Game 1 sa ilang best-of-seven finals series sugdan ugma didto sa Smart Araneta Coliseum.
Bisan pa og managsuong koponan sila, usa ka init gihapon nga engkuwentro ang nagpaabot ilabi na nga dili kini ang unang higayon nga mag-abot sila sa finals.
Kini ang ikapitong finals match sa duha ka PBA franchise ug ang katapusan niadtong tuig 2013 diin midaog ang Purefoods nga maoy karaang pangan sa Magnolia.
Si Magnolia coach Chito Victolero miingon nga wa’y duda nga sila ang ‘underdog’ batok sa San Miguel ilabi na nga wala ilang sinaligang defender nga si Marc Pingris tungod sa knee injury.
Hinuon, dili angay nga ibaliwala ilang kahigayonan ilabi na nga ganado ilang players human sa ilang kadaogan batok sa NLEX.
Usa sa mga match-up nga atangan mao ang sangka sa duha ka premyadong higante sa liga nga sila si MVP JuneMar Fajardo ug Ian Sangalang.
- Latest