_banat
^

Banat Palaro

Boston mitagak sa Wizards

Emmanuel B. Villaruel - Banat

CEBU, Philippines - Misidlak og maayo ang reserve player nga si Kelly Olynyk  sa panahon nga ang iyang serbisyo maoy labing gikinahanglan dihang  miratsada kini og 26 puntos alang sa Boston Celtics nga mipilde sa Washington Wizards, 115-105 aron dag-on ang ilang NBA Eastern Conference semifinal series kagahapon didto sa TD Garden sa Boston, Massachusetts.

Gihuman sa Celtics ang best-of-seven series sa baraha nga 4-3, apan bukid maoy ilang tungason sunod gumikan kay ilang banggaon mao man ang defending champion Cleveland Cavaliers sa Eastern Conference finals nga sugdan karong Huwebes.

Si Isaiah Thomas maoy nangu sa tanang scorers sa Celtics uban sa iyang  29  puntos ug 12 ka assists, samtang nakahimo sab og double figures silang Al Horford nga adunay 15 puntos, Jae Crowder sa iyang 14 puntos ug Marcus Smart nga  mitampo og 13 puntos.

Apan ang impresibong salida ni Olynyk maoy labing dakung bomba nga gipabuto sa Celtics nga nakasud sa East finals sa labing unang higayon sukad niadtong 2012 diin gitimon pa sila niadtong higayona nilang Paul Pierce, Kevin Garnett ug Ray Allen.

Gihulagway hinuon ni Olynyk nga ang hiniusang paningkamot sa ilang team maoy yawi sa ilang kalampusan.

“It was hard work, that was a tough seven-game series. Both teams played tough – we just kind of outlasted them at the end there. We’re lucky to move on, matud pa sa 26-anyos nga Canadian power forward.

Si Bradley Beal mikadlit og 38 puntos alang sa Wizards, samtang sila si Otto Porter Jr. ug John Wall nagkumboya’g 38 puntos, apan wala sila makaangkon og igong suporta sa ilang mga kauban hinungdan sa ilang pagkasukarap. (BANAT NEWS)

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with