Honda Motorworld Cebu Dream Cup gitakda

CEBU, Philippines - Mosalida na sab ang mga circuit racers sa labing unang  lumba  karong  tuiga sa pagsikad sa Honda Motorworld Cebu Dream Cup karong Enero 22 diha sa Kartzone sa Barangay Kasambagan,   siyudad sa Sugbo.

Ang kategoriya nga mahimong salmotan naglakip sa elite-expert, beginner, Honda beat ug Honda club race.  Ang elite-expert gibahin sa duha ka events  -- 130cc underbone ug scooter.

Ang beginners class adunay susama nga kategoriya sa expert uban sa Honda Beat ug ladies class. Ang Honda club race adunay open bike class ug bukas sa tanang Honda Philippines Incorporated clubs.

Libre ang registration sa maong lumba ug ang mga mananaog makadawat og ganting salapi ug tropeyo. (BANAT NEWS)