Wheeltek kampiyon sa VAA
Gabby G. Malagar (Banat) - March 6, 2016 - 9:00am

CEBU, Philippines - Gilampurnas sa Wheeltek ang Cabangahan Selection sa iskor, 107-94 aron sakmiton ang titulo sa Villagers Athletic Association (VAA) Invitational Cup didto sa Bacayan, barangay Talamban ning dakbayan.

Biya og usa ka lugas ang Wheeltek sa halftime, 46-47 apan nagpauwan sila'g puntos didto sa second half pinangulohan ni Ferdie Sigue kinsa mihimo'g upat ka sagunson nga three-pointers alang sa iyang 12 puntos. Siya sab ang napiling 3-pt king sa maong torneyo.

Si Edwin Codeniera kinsa mibahug og 16 puntos uban ni Junel Escober, maoy napiling MVP. Midugang og 15 puntos si Chris Alvarado ug miamot sab og 12 puntos si Mike Uriarte.

Si Konsehal Roger Butad sa Talamban kinsa maoy presidente sa VAA ug team manager sa Wheeltek miamot og sayis puntos sa ilang kadaogan.  Ang playing coach nga si Boy Galo  miamot og otso puntos.

Si Butad kinsa mahiligon kaayo sa basketball, naglaraw sab nga mopahigayon og inter-company sportsfest sa dili madugay diin usa na niini ang iyang team nga Wheeltek.

Ang Cabangahan Selection gipangulohan ni Dimay Herbieto kinsa mibahug og 20 puntos ug laing tulo ka teammates ang mibahug sab og double figures.

Puntos matag usa:

Wheeltek (107) – Codeniera 16, Escober 16, Alvarado 15, Sigue 12, Uriarte 12, Galo  8, Butad 6, Bendulo 6, Pane 5, Dela Calzada 3, Carreon 2, Erana 2.

Cabangahan Selection (94) – D. Herbieto 20, Abelogn 18, Taghoy 17, Grumia 14, Borres 8, E. Herbieto 7, Er. Herbieto 6, T. Herbieto 2, Pamaolao 2. (BANAT NEWS)

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with