Tabal pabiling reyna sa Milo marathon
Lemuel P. Maglinte (Banat) - December 14, 2014 - 12:00am

CEBU, Philippines - Napanalipdan sa Sugbuanang  runner nga si Mary Joy Tabal ang iyang korona sa 38th Milo National Marathon  kagahapon didto sa SM Mall of Asia Arena.

Pakyas hinuon sa Tabal pagbuak sa kaugalingon niyang rekord, apan siya  gihapon ang labing  tulin nga Pinay human niya gitapos ang lumba sa oras nga 2:52:49. Gisundan kini ni Christabel Martes  nga mioras  og  3:03:49, samtang ang kanhi Milo queen nga si Mary Grace delos Santos nalandig sa ikatulo sa oras nga 3:05:34.

Si Tabal maoy  second placer sa women’s open class nga gidominar  ni Kenyan  Rose Nyangacha sa oras nga 2:47:33.

Sa maong kalampusan, si Tabal  suportahan gihapon sa Nestle Philippines ug ipadala  ngadto sa laing international marathon, ning higayona sa L.A Marathon sa Marso sunod tuig.

“Daku gyud nako nga garbo ug kalipay nga modagan ko sa LA Marathon, hope makahimo ko og nindot nga performance sa mao nga marathon,” matud pa ni Tabal.

Sa laing bahin, giharos sa Kenyans ang unang tulo ka mga dapit sa men’s open division. Gipangulohan kini ni James Tallam (2:21:08), gisundan ni Josphat Kiptanui (2:21:31) ug  Joel Kiplimo Kemboi (2:21:31).

Sa  men’s  local, nailog ni Rafael Poliquit sa Davao  ang trono human niya gipalagpot si Eduardo Buenavista.  Gitapos ni Poliquit ang lumba sa oras nga 2:32:29, samtang si Buenavista mioras og 2:33:56. Si Erinio Raquin nga mipahiluna sa ikatulo  adunay oras nga  2:35:56. Ang Sugbuanon nga si Noel Tillor mitapos sa ikaupat sa oras nga  2:37:24.  (BANAT NEWS)

A MARATHON ANG SUGBUANON CHRISTABEL MARTES EDUARDO BUENAVISTA JAMES TALLAM JOEL KIPLIMO KEMBOI JOSPHAT KIPTANUI TABAL
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with