Pelicans nakaipsot
Gabby G. Malagar (Banat) - March 18, 2014 - 12:00am

CEBU, Philippines - Mibalik na og duwa si Klay Thompson sa Golden State Warriors  ug  gisugat  kini'g  daog human nila hitapsingi ang host Portland TrailBlazers, 113-112 didto sa Moda Center sa Portland, Oregon.   Sa iyang pagbalik, si Thompson nakig-alayon ni Stephen Curry sa scoring run aron mopabanaw og 64 puntos. Si Curry mikutlo og 37 puntos, samtang si Thompson mikadlit og 27 puntos. Gipahinungod ni Curry ang ilang kadaugan ngadto kang Thompson human mapalta'g  usa ka duwa dihang miuli siya didto sa The Bahamas aron motambong sa lubong sa iyang apohan.

 Ang three-pointer ni Thompson maoy nakapalabaw   sa Warriors sa nahabiling 11.1 segundos sa duwa.

 Si Damian Lillard maoy nangu sa Portland sa iyang 26 puntos, samtang si Nicholas Batum midugang og 23 puntos ug 14 rebounds. Ang Blazers napilde na og lima ka higayon sa miagi nilang unom ka duwa.

 Wala gihapon makaduwa ang piangon nga All-Star forward sa Portland nga si LaMarcus Aldridge.

 May higayon pa untang tablahon ni Batum ang iskor sa nahibiling 5.8 segundos,  apan misipyat siya sa iyang ikaduhang free throw. Ilang nakuha ang rebound, apan wala na sila makaitsa pa hangtod nahurot ang oras.

 Didto sa New Orleans, nag-anam og kamaayo ang duwa ni Anthony Davis sa nanghinapos na nga regular season tungod kay mikulit siya'g career-high 40 puntos ug laing career-high 21 ka rebounds dihang iyang gipangulohan ang Pelicans  sa  pagpilde sa  Boston Celtics, 121-120.

 Si Davis maoy ikawalong player sa kasaysayan sa NBA nga miiskor og labing menos 40 puntos ug 20 ka rebounds sa usa lang ka duwa.

 Miabag sab si Tyreke Evans diin mitusik kini'g 26 puntos, si Eric Gordon mituka og 19 puntos  alang sa Pelicans nga nagtangag na karon og 27-39 nga baraha.

 Ang Celtics gipangulohan ni Jeff Green sa iyang 39 puntos.

 Sa laing duwa, ang Dallas Mavericks milubong sa Oklahoma City Thunder, 109-86, ang Miami Heat mipahagsa sa Houston Rockets, 113-104, gilubong sa San Antonio Spurs ang Utah Jazz, 122-104. Midaog sab ang Phoenix Suns batok sa Toronto  Raptors, 121-113,  ang Charlotte Bobcats mipilde sa Milwaukee Bucks, 101-92 ug gilubong sa Los Angeles Clippers ang Cleveland Cavaliers sa iskor nga 102-80.

ANG BLAZERS ANG CELTICS ANTHONY DAVIS BOSTON CELTICS CHARLOTTE BOBCATS CLEVELAND CAVALIERS DALLAS MAVERICKS DUWA PUNTOS
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with