^

Banat Palaro

Violet mikompleto sa semis cast

Bot Glorioso, Yoyo R. Abayan - Banat

CEBU, Philippines - Nahitsas na ang semifinals cast sa SRP Sunday Club Christmas League 2013 human midaog ang team Violet pinaagi sa overtime batok sa Green team, 85-82 niadtong Domingo didto sa San Roque Parish gym sa Brgy. Subangdaku, dakbayan sa Mandaue.

 Nagdala'g daog sa Violet mao ang ilang kaisog ug pagsalig sa tagsa-tagsa nila ka kaugalingon.

 Si Ronnie Alvarado maoy highest pointer sa Violet nga mikadlit og 27 puntos, si Joel Aniñon, kinsa mikayod og maayo sa overtime miamot og 15 puntos, samtang si Jekoy Paciencia miabuno'g 12 puntos. Wala makapunit bisa'g usa lang ka punto ang usa sa ilang mga scorer nga si Bernard 'Gulfan' Arreglo, apan ang iyang walay patawad nga depensa  daku kaayo'g papel sa kadaugan sa Violet.

 Dili unta malugwayan ang duwa sa daginutong segundos sa regulasyon, apan mikagar ang krusyal kaayong itsa ni Paciencia hinungdan nga naungot ang iskor, 73-all nga mihatod sa duwa ngadto sa overtime.

 Sa dugang singko minutos, nag-iyahay na og pakita'g diskarte ang duha ka kampo, apan ang Violet maoy mipatigbabaw ug misakmit sa katapusang lingkoranan sa crossover semifinals.

 Si Larry Lauron mao na sab ang nangulo sa napildeng Green nga miarangkada og 29 puntos, gisundan ni Toto Cabrillas sa iyang 19 puntos.

 Ang "knockout" semifinals duwaon ugma diin ang topseed nga Maroon makigsangka sa fourth seed Blue team, samtang ang No. 2 nga White makigbatok  sa No. 3 nga Violet.

 Ang modaog maoy magsangka sa tinaktakay nga kampiyonato unya sa Disyembre 22 didto gihapon sa SRP gym.

 Ang SRP Sunday Club gidumala karon sa ilang presidente nga si Rom Castañeda.

 Natukod kini niadtong tuig 2008 ubos sa ilang founder nga si  Engr.  Lito Florentino uban nilang   Dr.  Bernard  Mansueto, Joy  Miñoza,  Ricric Fontanosa, Dante  Orejudos  ug  Joel      Dublin.

 Gisuportahan sab kini ni Rev. Fr. Rolyn E. Vics, CM, ang parish priest sa San  Roque Parish ug Rev. Fr. Jovencio Rendon, coordinator sa Sunday Club.

 Ang mga duwa gidumala ni league commissioner Monching Menaling uban sa abag nilang Juvenal Perolino, Van-Van Amora, Zaldo Montayre, Paul Miñoza ug Pedro Montayre.

 Gawas ni Castañeda, lain pang mga opisyales sa SRP Sunday Club ning tuiga naglakip nilang  Jun Atillo  (vice president), Ruben  Flores  (secretary), Glenn Castañeda (treasurer), Arnold Aventajado  (auditor)  ug   Nonoy Amora   ug  Melio   Colina    (PROs).

 Si Mandaue City Vice Mayor  Glenn Bercede maoy ilang adviser ug kanhi konsehal Amay Dy.

 Ang tinuig nga liga gisuportahan sab  ni  Subangdaku Brgy. Capt. Ernie Manatad ug councilor Amay Dy.

PUNTOS MATAG USA

 VIOLET (85) - Alvarez 27, Aniñon 15, Paciencia 12, Fick 8, Pilapil 6, Pelarios 4, Miñoza 2, Amora 2

 GREEN (82) - Lauron 29, Cabrillas 19, Auxtero 9, Feniza 9, Ipili 6, Bacunanawa 6, Cortes 2, Rico 2

AMAY DY

ARNOLD AVENTAJADO

ERNIE MANATAD

GLENN BERCEDE

GLENN CASTA

PLUSMN

SUNDAY CLUB

  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with