Sabillo mangandam pag-ayo
Lemuel P. Maglinte (Banat) - September 24, 2013 - 12:00am

CEBU, Philippines -  Mobaktas na sab og tungason nga dalan si WBO minimumweight champion Merlito 'Tiger' Sabillo (23-0, 12KOs) atol sa

pagdepensa niya sa iyang bakus batok ni interim champion Carlos 'Chocorroncito' Buitrago (27-0, 16KOs)  sa Nicaragua sa Nobiyembre 29

didto sa Dubai, UAE.

 Ang 29-anyos nga si Sabillo katapusang miaway niadtong Hulyo 7 diin yano niyang gipaundang sa ninth round ang Colombian

challenger  Jorle Estrada didto sa Solaire Resorts Hotel and Casino sa kaulohan.

 Ning higayona, ang taga-Bacolod City nga si Sabillo mobiyahe ngadto sa Middle East aron sangkaon ang delikadong

Nicaraguan knockout artist.

 "This is the fight that could really tell us what he (Sabillo) is really made of," matud pa ni ALA Promotions President Michael

Aldeguer. "I can say that this fight will be the biggest test of his career so far."

 Si Sabillo mipakusog sa ilang training ug plano nila nga mag-ensayo sud sa tulo ka buwan aron  kondisyon sa maong away.

 "Focus sa mi ron sa conditioning ni Merlito," matud pa ni ALA chief trainer Edito Villamor. "We are going to prepare for three

months because we know this guy (Buitrago) is not an easy opponent."

 Ang 21-anyos nga Nicaraguan nahimong mandatory challenger human sa iyang unanimous decision nga kadaugan batok ni

Mexican Julian Yedras niadtong Hulyo didto sa Mexico.

 "Nakakita mi sa tapes sa away ni Buitrago ug nakaingon mi nga dili siya sayon, pero salig ko sa abilidad ni Merlito," dugang pa

ni Villamor.

 Gawas ni Sabillo, mosaka usab sa ring si WBO light flyweight champion Donnie 'Ahas' Nietes, kinsa moaway sa wala pa

masayring kontra.

 Ang maong sangka magsilbe nga tune-up fight ni Nietes, kinsa makig-rematch ni former Mexican champion Moises Fuentes

sunod tuig didto sa Mexico City.   (BANAT NEWS)

BACOLOD CITY BUITRAGO EDITO VILLAMOR HULYO JORLE ESTRADA MERLITO SABILLO
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with