Late registration sa birth

Dear Atty. Divine,

Ang akong papa walay birth certificate, gusto unta namo nga kuhaan siya og birth certificate sa Philippine Statistics Authority or PSA apan wa man siyay record daw matud sa akong sister. Gamiton man gud namo ang iyang birth certificate para sa iyang pagkuha sab og passport. Unsay angayan namong buhaton aron makakuha mi og PSA copy sa birth certificate sa among amahan? Daghang salamat. — Lydia

* * *

Dear Lydia,

Mamahimo nga magpa late registration ang imong papa, apan sa dili pa kana ninyo buhaton inyo una siyang kuhaan og birth certificate sa Local Civil Registrar diin siya natawo, to make sure nga wa gyud siyay record ngadto, human niini, inyo sab siyang kuhaan og Birth Certificate sa PSA kay kun wa siyay records mohatag og Certification ang PSA nga wa siyay records og usa kini sa mga requirements sa late registration. Human niini, mo apply mo for late registration sa iyang birth. Naay forms nga dapat i fill-up sa imong papa ug naa say mga list of requirements nga dapat niya i-comply lakip na ang Certification from the PSA nga wa siyay records ngadto. Human niini, inyong i-submit sa Local Civil Registrar ang form sa birth certificate og ang mga supporting documents ug ang Civil Registrar na ang mosubmit niini ngadto sa PSA- Manila. Hangyoa lang ang Local Civil Registrar nga ipa early endorse ang Birth Certificate sa inyong papa aron after 2 months or 3 months makakuha na mo og PSA copy. Thank you and God bless.

Atty. Divine

* * *

Alang sa inyong pangutana,palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.