_banat
^

Banat Opinyon

Sa panahon sa dakong panginahanglan

MGA LAMAS SA KINABUHI - Fr. Rey Cui - Banat

Dunay mga higayon nga bisan gani ang imong kaugalingong panginahanglan imong masakripisyo gumikan sa imong paghunahuna sa uban. Dunay mga higayon nga malisod gyud kaayo ang pagbalibad. Hangtud nga ako mismo ang magsakripisyo sa akong kaugalingon ug personal nga panginahanglan.

Malisod man tuod apan ingon ana man usahay ang kinabuhi. Dunay mga higayon nga kinahanglan natong mohatag aron kita makadawat dili sa bawos sa atong kaayo kondili sa atong dakong tinguha nga mamahimong fulfilled sa atong kinabuhi isip isigkatawo sa atong isigkaingon, bisan pa man kun kini nagkahulogan og mahikalimtan na lang gyud sa hingpit ang imong kaayo labina kun ilang nakita ang imo lamang mga sayop.

Ingon ini ang kalibotan sa tinud-anay lang gyud. Ang mga tawo kinahanglanon ka dili tungod kay gihigugma ka. Kinahanglanon ka tungod kay mapuslan ka pa. Bisan gani diha sa pangalagad sa panimbahan ug uban pa. Ang pagpaukyab maayo lamang sa sinugdanan ang pagkuha sa atensiyon sa kadaghanan. Ingon ana sila kalagsik ug kadasig labina ang pagpalig-on sa ego ug kaugalingong kabantog.

Ning panahona karon daw malisud kaayo ang pagpatidlom kun unsay tinuod ug unsay bakak. Usahay ang mga bakak mas nindot man hinuon paminawon kaysa tinuod. Ang pagpaaron ingnon mas makahuloganon kaysa pagkamatinud-anon. Daghan sa mga tawo ang nawad-an sa hustong panghunahuna, daw mga iro nga kun pakan-on sa lamaw sa mga panaad nga makailad mokitiw dayon ang mga ikog sap ag-uyon ug gani maningkamot pa nga motampo sa paglungag sa ilang kaugalingong lubnganan.

Daghan man gyud unta ang mga maayong tawo apan tungod sa dakong panginahanglan nahimong nadulom ang ilang mga tanlag. Daghan pa man gyud unta ang mahimo apan sa kaulahian bugtong ang mga gamahanan lamang ang mopahimulos sa ilang isigkaingon. Samtang gisud-ong ko ang akong mga gipanghimo sa pagtuo nga kini sila makatabang sa kadaghanan nisantop pud sa akong hunahuna nga bisan gani ang imong mga gitabangan ug gialagaran ang dili ug dili gihapon makontento sa imong kaayo nga gipakita.

Apan bisan pa niini, maghimo gihapon kita og kaayo dili tungod alang nila lamang kondili alang sa atong kaugalingong pagka kita mismo. Ug kun ugaling hikalimtan ka sa umaabot nan, mas makaayo nga imong lipangon ang kasamtangan.

SAKRIPISYO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with