^

Ilimos na lang

BALITAHOM - Atty. Jose Marie N. Poblete (Banat) - February 14, 2021 - 12:00am

Mipasidaan si Konsehal Dave Tumulak sa publiko nga magmabinantayon ug dili na lang mosalmot nianang paagi sa pagtigom og kwarta nga gitawag og “paluwagan” nga usahay tawgon usab og “bôbu-ay” o “dawat-dawat”.  Kini human mireklamo ngadto sa konsehal ang usa ka lumolupyo sa Barangay Mabolo nga nabiktima sa maong pagpangilad.  Sa ngalan na lang daan nga “bôbu-ay,” sama ra ang tawo nga nagyabo sa iyang bahandi.  Inay kwarta ang madawat, kasakit ug kasagmuyô na hinuon ang nasinati. Ni’ng kahimtanga, igo na lang sa pagtungina ang hingtungdan sa pag-ingon, “Ay dah, ilimos na lang nako ‘to niya.” Saoonz!

Killjoy ang polis?

Laraw sa Cebu City Police Office nga mopakatap og kapolisan sa mga lugar nga posibleng maoy abutanan sa mga manag-uyab karong Valentine’s Day sa tumong nga mapatuman ang health standards ug aron kalikayan ang pagtapok-tapok.  Human gisugyot ang “virtual dating” sa manag-uyab karon Valentine’s Day, mopahigayon na usab ang kapolisan sa “Oplan Bulabog”.  Ni’ng kahimtanga, inay moingon ang babaye nga “Ayaw una kay naa pa si Nanay/Tatay”, karon mobadlong na ang babaye sa pag-ingon, “Ayaw una kay naa’y pulis”.  Ka-killjoy baya!

Dili malaya ang kwarta

Tungod sa kalisod sa panahon karon, mipatigbabaw na sa daghang mga Pinoy ang pagka-praktikal inay pagka-sentimental ni’ng pagsaulog sa Valentine’s Day.  Mao nga inay mga pungpong sa bulak, mga kwartang papel na ang ihan-ay isip bouquet nga maoy himoong gasa sa uban ngadto sa ilang mga minahal.  Matud pa bitaw sa akong silingan nga dalaga, “Dili tinuod sama ka humot sa rosas ang maong bouquet, apan dili usab mabentahaan ang bahô sa kwarta, uy.  Dili pa gyud kini malayâ”.  Hala no!

Dugang virtual intelligence

Supak ang pamunoan sa Catholic Bishop’s Conference of the Philippines (CBCP) sa giproponer nga balaodnon nga maghimo’ng legal sa “virtual wedding” kay makaguba kini sa kabalaan sa kaminyoon.  Sa paglugak na karon sa mga lagda nga gipatuman sa IATF, mahimong wala na’y hinungdan ang maong balaodnon. Gawas pa, mahinungdanon ug makahulogananon nga mag-atubang gayod ang mga kaslonon inig saad nila nga mag-inunongay sila ug nga kamatayon lang ang magabulag kanila.  Ni’ng maong matang sa balaodnon, mora’g nagkinahanglan pa’g dugang nga “virtual intelligence” ang hingtungdan’g mga kongresista.  Fezteleern!

Nars ra diay ka dok?

Alang sa mga “eksperto”, kinahanglanon pa ang pag-uyon sa mga doktor una pa bakunahan ang mga Senior Citizens aron malikayan ang komplikasyon hilabi na niadtong adunay mga daan na’ng gipamati nga laing sakit sa lawas.  Lisod ipatuman ang maong rekisitos kay dayag man nga daghan pa ang dapit dinhi sa Pilipinas nga walay doktor bisan sa mga health centers.  Mga NURSE ra sagad ang madali-dali sa pagkonsulta labi na sa probinsya.  Tungod niini, manghupaw na lang si Lola sap ag-ingon, “Aw, NARS ra diay ka Dok?”  Pagkatoytoy!

MABOLO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with