Budget insertions sa Sugbo
Nia ang lista sa People’s Budget Coalition sa mga distrito sa Sugbo nga kinadak-an og insertions sa 2027 budget. Pasabot, silay nakadawat sa kinadaghanan nga mga proyekto (nga kasagaran walay klarong mga dokumento) nga gipatong sa mga kongresista sa National Expenditure Program (NEP) nga gisumiter ni Presidente Ferdinand Marcos Jr. ngadto sa House of Representatives.
• Ika-41 sa tanang 249 ka distrito sa tibuok Pilipinas ang Cebu City District Engineering Office (DEO) sa Department of Public Works and Highways (DPWH): Napun-an og 23 ka proyekto nga balor og P482 milyones. Kon tinuod ang sulti ni Kongresista Cutie del Mar nga gilaslasan ang budget sa North District, si Kongresista Edu Rama ug ang South District ang mabuhong sa dugang mga proyekto.
* * *
• Ika-73 sa tibuok nasud ang 1st DEO sa DPWH sa Probinsiya sa Sugbo ubos ni Kongresista Rhea Gullas: Napun-an og 80 ka proyekto nga balor og P320 milyones. Ika-108 sa tibuok nasud ang 7th DEO sa DPWH sa Sugbo nga ubos ni Kongresista Patsy Calderon (dakong hagbong gikan sa pagka Top 10 dihang ubos pa sa iyang bana nga si Peter Calderon sa nangaging katuigan): Napun-an og 15 ka proyekto nga balor og P151 milyones.Ika-114 sa tibuok Pilipinas ang 6th DEO sa DPWH sa Sugbo nga ubos nilang Kongresista Daphne Lagon sa Consolacion ug Cordova, Kongresista Lolypop Ouano sa Mandaue City ug Kongresista Ahong Chan sa Lapu-Lapu City: Napun-an og 12 ka proyekto nga balor og P150 milyones.
* * *
• Ika-132 sa tibuok nasud ang 2nd DEO sa DPWH sa Sugbo nga ubos ni Kongresista Edcel Galeos: Napun-an og 20 ka proyekto nga balor og P80 milyones.Ika-159 sa tibuok Pilipinas ang 5th DEO sa DPWH sa Sugbo ubos ni Kongresista Duke Frasco: Napun-an og duha ka proyekto nga balor og P10 milyones.
* * *
Daghan sang insertions sa mga distrito sa Bohol ug Leyte:
• Ika-6 sa tibuok Pilipinas ang First District Engineering Office sa Probinsiya sa Bohol ubos ni Kongresista Baba Yap: Napun-an og 107 ka proyekto nga balor og P1.49 bilyones.Ika-91 ang 4th District Engineering Office sa Probinsiya sa Leyte ubos ni Kongresista Richard Gomez: Napun-an og pito ka proyekto nga balor og P220 milyones.
* * *
- Latest
