Walay sala ang bata

LABTIK - Alan P. Domingo (Banat) - November 27, 2020 - 12:00am

Nag-viral sa social media ang nahitabo sa usa ka bata nga nag-order og pagkaon pinaagi sa online food application dili lang usa kon dili 40 gyud nga pareho ra nga pagkaon sa usa ka fastfood chain.

Nagdungan sa pag-abot ang 40 ka mga food delivery riders nga nagdala sa samang pagkaon busa nangaukay ang mga silingan nila sa kadaghan sa nangabot.

Tag 189 ra ang bayranan nga kaya ra untang bayran sa ginikanan sa bata pero sa gidaghanon sa naorder hilabihan naman ka dako ang mabayran.

Come to rescue ang mga silingan nga maoy mipalit sa uban nga pagkaon pero wala gyud mahalin ang tanan maong nanguli nalang ang mga food delivery riders nga naminghoy kay mosamot sila kalugi kay malangan naman kon maghulat sila nga mahalin ang pagkaon.

Ang estorya nagtuplok tuplok ang bata sa food app ug naka order hinuon, dihang bakwion sa ginikanan nataymingan nga nag-log ang internet connection ug mao na kadtp ang sugilanon.

Kinsa man ang angayan basolon? Dili gyud mabasol ang bata kay wala man kiniy buot nga mohimo sa bisan kon dili mapugngan sa mga dagko.

Ang ginikanan, tataw nga mabasol pud kay nganong gipagamit ang cellphone nga wala bantayi ang pagtuplokon sa bata. Diri nato makita kon unsa ka delikado kong pasagdan ang mga bata nga ma-expose sa gadget nga makamugna og problema.

Maayo nalang gani kay pagkaon ang na-order sa bata, unsa kaha kong dunay mga sensitibong impormasyon nga for private use only nga na-forward sa bata ngadto sa cyber community, unsaon nalang sa pagbawi.

Ang ingon niini nga estorya nahitabo na usab sa ubang bahin sa nasud bisan gani sa kaibutan.

Sobrang kumpiyansa sa mga bata kay wala lagi buot, inosente pero delikado kaayo kay mohimo gyud og mga butang kong unsay ilang magustohan.

Seguro gipaduwaan ang cellphone aron dili magsamok sa mga ginikanan kay mao man kini ang panglingaw sa mga bata karon.

Bisan gani kami sa balay guilty pero giseguro nako nga walay mga app sa cellphone nga ma-explore nila nga makamugna og negatibong epekto ni bisan kinsa.

Dili nato mahimong i-under estimate ang mga bata kay malutsa nila ang mga dagko basin uwahi na ang tanan.

FASTFOOD
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with