Tax amnesty sa dakbayan sa Sugbo
IYO ANTOY - Antolin dela Serna (Banat) - August 11, 2020 - 12:00am

Usa sa naapektohan pag-ayo niining atong kahimtang karon mao ang patigayon. Gawas sa kaugalingon niining kadaut, ang ilang suliran nakaapektar sa mga mamumuo, sa labor sector. Of course nakahatag kini og domino effect sa pamuhis. Sa bahin sa gobyerno, nakapakunhod kini sa revenue collections. On the side sa business, gumikan sa pagkahugno sa patigayon, naproblema usa sila sa pagbayad sa buhis. Gumikan niini, isip pagsanong sa yango-ngo sa mga magpapatigayon, si Konsehal Raymond Alvin Garcia, misugyot pag-grant of tax amnesty sa mga magpapatigayon ning dakbayan sa Sugbo. Nindot kaayo.

Atong kutluon kining napatik sa The Freeman: “With livelihood affected gravely by the COVID-19 pandemic, Cebu City Councilor Raymond Alvin Garcia has proposed granting amnesty on interests, penalties, and surcharges in real property taxes, business taxes, and all other fees and charges – due and demandable.” Ok kaayo. At least makaginhawa kita’g gamay. Sa among bahin, pananglitan, inig bayad namo sa buhis sa yuta, dili na tingali kami pabayron sa penalty o mga charges due to late payment. Usually, first week sa January mobayad na mi sa buhis. Apan,karon, gumikan sa pandemic, wa pa mi kabayad hangtud karon.

Mao nga welcome kaayo ang maong proposal ni Konsehal Garcia. Niya pa, a significant number of taxpayers are having a difficult time paying taxes due to the rates of interests, penalties, and surcharges imposed. Tinuod.

Ang proposed Tax Amnesty Ordinance of 2019 nagkanayon,”In its earnest efforts to collect taxes due from said taxpayers, the Cebu City government, in its compassion to help its constituents, is willing to grant amnesty to all taxpayers relative to interests, penalties, and surcharges which resulted from their failure to pay all kinds of taxes, fees, and charges due to it.” So, nindot kaayo.  Covered sa amnesty, niini, suma pa Section 4 ning maong proposed ordinance, naglakip sa real property taxes, business taxes, community taxes, and such other fees and charges, due and demandable.

Kon ma-approved ang maong proposed ordinance, maka-pahimulos lamang kita niini, sulod sa usa ka tuig gikan sa pag-epekto niini. Nga kon kaaprobahan kini karong buwana, apan ang effectivity unya pa sa Enero sunod tuig, in the hope nga molayas na ang coronavirus, usa ka tuig ang atong pag-avail niini.

* * *

For Quarantine violators in Cebu City: Stiffer penalties:  headline kini sa The Freeman. Maayo ni. Kay alang gud nako, among-among kini sa uban. Maayo unta kadto kon sila rang nagpabadlong ang matakdan. Unsaon, sagad mahitabo nga gumikan sa ilang pagpasagad ug pagpabadlong, daghan man ang maangin, daghan ang matakdan.

Busa, kinahanglan silotan silag husto. Angay lang, kon buot kita nga mapitol kining mga badlongon sa katilingban. Sa ato nang gibalikbalik dinhi, ug bisan pa sa kanunay nga pagpahinumdom kanato sa kagamhanan pagtuman sa mga health protocols, daghan kanato ang nagpakabuta-bungol lamang ug gi-ignore lamang ang mga pahimangno sa kagamhanan.

Ang ordinansa nga magpahamtang og mas bug-at nga silot ngadto sa mga quarantine violators mo-effect na karong Augusto 16.

Ang maong ordinansa gipangamahanan nila ni Konsehal Dave Tumulak, Raymund Alvin Garcia, ug Felix Zafra.

Ato ning padayonon paghisgot sa sunod natong mga lindog.

TAX AMNESTY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with