Pastilan tawon
RENBOR PATROL - Rene U. Borromeo (Banat) - June 30, 2020 - 12:00am

Ang trabaho sa usa ka subordinate official, mao ang pagsiguro nga matabangan niya ang iyang boss nga dili makasinati og daghang problema nga mahimong sawayon na hinuon kini sa katawhan, ilabi na kon kini public official.

Dinhi sa Dakbayan sa Sugbo, daghang mga nagkasumpaki nga mga kamandoan gikan ni Mayor Edgar Labella, nga kon ayuhon nimo sa pagtimbang-timbang, mora’g wa mamaayo sa pagka plastar.

Kinahanglan unta nga kon unsa ang gustong ipahimo sa mayor, mao gyud kini ang ipatuman kay siya man maoy amahan ug nagdumala sa atong siyudad.

Kon adunay palpak nga mahitabo, ang basolon sa katawhan dili ang mga subordinate sa mayor, dili ang bise mayor, ug labaw pa nga dili ang mga konsehal. Um-umon ra gyud tawon sa mayor ang mga pagsaway.

Diha ko nga naluoy ni Mayor Labella. Nakasabot ko nga ligdong si Mayor Labella ug nindot ang iyang tinguha aron makaserbisyo sa katawhan, apan unsaon, daghan sa iyang kamandoan dili man tumanon.

Diay pipila ka mga “examples” nga akong nahinumdoman. Dihang nitawag si Mayor Labella nako, iya ko nga giingnan nga mamalit siya’g bugas nga bali’g 150 mil ka sako (50 kilos) ug itugyan kini sa mga opisyal sa kabarangayan aron maoy manghatag.

Dili na kuno niya tugotan nga ang mga sakop sa MILO, kun  Mayor’s Information and Liaison Office, moapil-apil pa sa pagpanghatag sa bugas kay daghan kuno ang nangreklamo.

Karon, nahibaw-an nako nga wa kini mapatuman, ug ang nanghatag sa bugas mao gihapon ang mga sakop sa MILO ug gikuhaan og katungod ang mga opisyal sa barangay, aw gawas niadtong mga barangay nga ang kapitan alyado sa mayor.

Dayon, gipahibawo ni Mayor Labella nga ang paghatag og Q-Pass, ipanghatod gyud sa kabalayan ug kada balay hatagan og usa ka Q-Pass. Apan wa kini tumana ug ang gihimo, pahuwam-huwaman ra ang Q-Pass kay kuwang man ang gipanghatag sa barangay.

Lain pa gyud. Ang pagsulod sa Carbon Market alang niadtong mamalit og mga utanon ug ubang palitonon, ipaagi sa apelyido. Dunay “coding” nga sama nako, kada Martes ra ko makaadto sa Carbon.

Unya, ang maong coding system sa Carbon, matud ni CEMVEDCO chairman Erwin Gok-ong, nagkasumpaki sa coding sa mga sakyanan nga tugotan nga makabiyahe sa gitugot nga adlaw. Tungod niini, gisuspenso na lang ni mayor ang pagpatuman sa vehicle coding.

Karong bag-o, may EO nga gipagawas ug kon sabton, dili ka na makakita og polis, bombero, disaster responders, mga doktor ug nurses, kay naapil man kini sa “ban” sa quarantine implementation. Apan nasuta nga sayop ra diay ang pagkahimo. Alang sa mga staff sa mayor, buhata ang tukma ninyo nga katungdanan.

PASTILAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with