Angay sila nga mangayo
RENBOR PATROL - Rene U. Borromeo (Banat) - April 9, 2020 - 12:00am

Daghan kaayong nanaway niadtong mga tawo nga hangtud karon nagsige’g pangita kon hain na ang bugas humay nga ipanghatag kanila sa kagamhanan. Gisaway nila ang maong mga tawo kay ngano man kuno nga magsalig man sila sa kagamhanan.

Gitimbangtimbang nako pag-ayo ang mao nga isyu. Ngano nga dili man sila magsalig sa kagamhanan nga ang mga opisyal man sa gobiyerno maoy nagmando nga pasirad-an ang ilang mga gitrabahoan, hinungdan nga wa na sila’y trabaho pagka karon?

Ang mao nga mga tawo wa gyud magsalig, wa magpangayo og pagkaon sa mga opisyal sa kagamhanan, diha nga wa pa pasirad-i ang ilang mga gitrabahoan. Sa laing bahin, husto usab ang mga opisyal sa kagamhanan nga giawhag ang katawhan nga anha ra sa ilang balay.

 

Kon magpadayon kining mao nga sitwasyon, unsa may kan-on sa mga tawo nga wa na man sila’y income? Gusto ba sa mga opisyal sa kagamhanan nga ang maong mga gutom nga tawo modangop sa paghimo og binuang aron lang makakaon?

Sa laktud, tukma lang nga ang kagamhanan mohatag gayud og hinabang sa katawhan. Gani, ang tag 25 kilos nga bugas humay nga gipanghatag dinhi sa Dakbayan sa Sugbo kuwang kaayo, apan maayo na lang kay sa wala.

Hangyuon nako kadtong mga kwartahan nga ayaw ninyo sawaya kaming mga pobre nga maoy grabeng naapektohan niining gimando nga Enhanced Community Quarantine nga gidid-an na ang katawhan pagsuroy, gawas lang kon may importanteng katuyoan.

* * *

Buyno, Holy Week na man gyud kay karon Huwebes Santo na, angay na tingali kita nga maghinuklog sa atong mga nahimong kasal-anan, sa atong mga sayop.

Atol niining Semana Santa, atong iampo nga unta mahanaw na kining Coronavirus Disease (Covid19) ug nga ilikay unta kita sa Dios sa maong makamatay’ng sakit.

Sigurado ko nga kon motuman lang gyud kita sa awhag sa atong mga opisyal sa kagamhanan nga magpabilin sa atong panimalay, dili magpataka og suroy, mahimong malikayan nato nga matakboyan kita sa makamatay’ng sakit.

Unya, mentras naa kita sa tagsatagsa nato ka panimalay, himoon nato nga wa gihapon mausik ang atong oras nga anaa kita sa balay. Daghan kaayong mga angay’ng himoon ug dili maayo nga magsige lang sab og katulog o kaha magsige’g gunit sa inyong mga cellphones.

Inig-abot sa panahon nga hingpit na nga ilibkas sa kagamhanan ang gimando nga Enhanced Community Quarantine kay wa na ang Covid19, malipay kamo nga makakita nga ang pag-estar ninyo sa balay wa mausik kay gigamit ninyo kini sa pagtrabaho sa ubang mga gimbuhaton. 

ANGAY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with